Ujehofa nōo wɛ ‘Ɔwɔico ku eeye a’ dɔka ku alɔ jɔɔnyɛ uklɔ ku ɔna ō ta. (1 Utím. 1:11) Eeye ku alɔ géē yɔ i nwune tōōtɔ̄ɔ̄ abɔ alɔ yɔ i ceyitikwu ku alɔ ya lɔhi fiyɛ a. Ɔka o da gē ya ku ɛlā kóō ŋmo ɔcɛ unwu ō jahɔ tu ɔ, ó klla wɛ ɔwɛ ɔlamu ō gbɔɔ ɔka ō ka mla ɔcɛ. Ɔka ō da gē ta ācɛ abɔ kéē gbɛla tu ɛlā. (Umát. 22:41-45) Abɔ a yɔ i da ɔka klla yɔ i jahɔ a, a yɔ i da ɔcɛ ɔɔma kahinii: ‘A cɛgbá gā um.’ (Ujɛ́m. 1:19) Ohi nɛ ɔcɛ ɔɔma géē ta a géē ta alɔ abɔ jé ɛgɛ nɛ alɔ géē kɔka mla ɔcɛ ɔɔma gɔbu ɔwɛ olɔhi fiyɛ.

LƐ UVIDIO NYĀ MAFU NŌO KAHINII: JƆƆNYƐ UKLƆ Ō LƐ ĀCƐ PIYA AYIKPO KU UKRAIST—Ō YA LƆHI FIYƐ—BĒĒ YUKLƆ MLA ƆKA Ō DA, CƐƐ AA LƐ ƆKA NŌO BA NYĀ CILA:

• Auce olɔhi nyá nɛ Ɛbɛhi mafu a?

• Ɛgɛnyá nɛ Ɛnɛ bi ɔka ō da le mafu lɛ Ɛbɛhi kóō lɛ ɛlá wu ɔ a?

• Ɛgɛnyá nɛ Ɛnɛ bi ɔka ō da le ya ku ɛlā ɔkwɛyi a kóō ŋmo Ɛbɛhi unwu tōōtɔ̄ɔ̄ a?

• Ɛgɛnyá nɛ Ɛnɛ bi ɔka ō da le ta Ɛbɛhi abɔ kóō gbɛla tu ɛlā a?