Ɔya Ɔmɛnɛ 29–Ɔya Ɔmɛhɔ 5
AÍJĒ KÚ Ɛ̄GBĀ 34-35
Ijé Ɔmɛ 10 mla Ɔkɔ o gba | Aɛlā O Bi Gbɔɔ (uminiti 1)
1. “Cɛ̄tra Óndú Ā Piyóó”
(uminiti 10)
Udefidi cɛtra Ujehofa naana nɛ ó yɔ ipu āhɔ̄ olɔnɔ a (Aíjē 34:1; w07 3/1 22 ¶11)
Udefidi gwo ohigbu Ujehofa, ó wɛ iyi nu ŋ (Aíjē 34:2-4; w07 3/1 22 ¶13)
Ɛgɛ nɛ Udefidi cɛtra Ujehofa a lɔfu tu aɔmpa nu iyē (Aíjē 34:5; w07 3/1 23 ¶15)
Igbihi nɛ Udefidi nyɛɛ ŋma ɛgiyi Abimɛlɛki a, acɛnyilɔ nōo wɛ 400 nōó gweeye mla ɔcɛ́ ō lé ku Usɔlu ŋ ma nyɔ i ba Udefidi iyē ipu igbli. (1 Usám. 22:1, 2) Ó lɔfu wɛ ka Udefidi yɔ i gbɛla kwu ācɛ a eko nɛ ó ta ɔkpá ku Aíjē Kú Ɛ̄gbā nyā a.—Aíjē Kú Ɛ̄gbā 34, ɛlā néē ta o gbɔɔ ku ɛyi ku Ubáyíbu.
DA IYI UWƆ ƆKA, ‘Ɛgɛnyá nɛ um gáā cɛtra Ujehofa eko nɛ um yɔ i kɛla mla ɔcɛ ipu ōjila ku ujɔ ɔhá a?’
2. Ɛnɛɛnɛ Ɛlā Nɛ Alɔ Nwu Ŋma Ɛlā Ɔwɔico
(uminiti 10)
-
Aíjē 35:11—Ɔdi ya ɛpleeko ku Ujisɔsi nɛ ɔgba nyā ka taajɛ gbɔbu a? (w11 8/15 14 ¶9)
-
Agbenu nyá nɛ a má ŋma ipu Ubáyíbu ō jé ku alaadi nyā nɛ a géē dɔka ō kɔ mɛmla alɔ a?
3. Ubáyíbu Ō Jé
(uminiti 4) Aíjē 34:1-22 (th oklɔcɛ ɔmɛ 5)
4. Ō Gbɔɔ Ɔka Ō Ka
(uminiti 2) Ō KƐLA ƆWƆICO EKO NƐ Á YƆ I TƆƆNA Ŋ. Ɔka ō ka a le ŋmɛyi gbɔbu ɛɛ ku a tɔɔna. (lmd ɛlā ō nwu ɔmɛ 1 ogwotu 4)
5. Ōcigbihi Nyɔ
(uminiti 4) Ō KƐLA ƆWƆICO EKO NƐ Á YƆ I TƆƆNA Ŋ. (lmd ɛlā ō nwu ɔmɛ 2 ogwotu 4)
6. Ō Lɛ Ɛlā Nɛ A Kpɔtuce A Teyi Peee
(uminiti 5) Ocabɔ Mafu. ijwfq 59—Ikpɛyi Ɛlā: Ɛgɛnyá Nɛ Ācɛ Ocijali Ku Ujehofa Gē Miya Ɔdaŋ Kéē Géē Ya Ɛ̄cī Ku Eeye Ō Gwo Mla Ucɛ Ku Nu A? (th oklɔcɛ ɔmɛ 17)
Ijé Ɔmɛ 59
7. Ɔwɛ Ɛta Nɛ Alɔ Lɔfu Cɛtra Ujehofa Ipu Ōjila Ku Ujɔ
(uminiti 15) Ɔka o ka.
Ōjila ku ujɔ gē je ɛnɛɛnɛ ɛga lɛ alɔ ō cɛtra Ujehofa. Ɔwɛ ɛta a yɔ a.
Ɛlā Ō Ka: Eko nɛ a gē ka ɔka mla ācɛ kɛla lɛyikwu aɔdā olɔhi nɛ Ujehofa ya a mla uwa. (Aíjē 145:1, 7) A po amāŋ jé ɔcɛla duuma nōo lɛ itene gā uwɔ? A má ɔdā olɔhi ipu uklɔ ku ɔna ō ta a? A miyɛ ɔtu ō tu kwu ɔtu ŋma ɛgiyi ɔcɛ ō bu ipu ɛlā ō ka amāŋ uce ō ya ku nu? A má ɔdā duuma ŋma ipu aɔdā nɛ Ɔwɔico ya a nōo lɛ abɔ kwu uwɔ ɔtu? Ɛjɛɛji uwa wɛ ɛhi ŋma ɛgiyi Ujehofa. (Ujɛ́m. 1:17) Nyɔ gā ōjila ku ujɔ teeko o ya ɛɛ ku a lɛ ɛga ō kɔka mla ācɛ ɔhá.
Ohi Ō Ta: Ceyitikwu ku a toohi ipu ōjila ku ujɔ doodu. (Aíjē 26:12) A lɔfu je ohi ku ɔka a ɛgɛ nōó lɛ ipu ɔkpá a yiili amāŋ kɛla lɛyikwu ō ka tu ɔ ɔhá, ɛga ku Ubáyíbu, ifoto amāŋ ɛgɛ nɛ alɔ géē bi ɔ le yuklɔ lɛ a. Abɔ ācɛ ɔhá géē je abɔ gico eko nɛ a yɔ i je abɔ gico a, ya otutu ku ohi alɛwa. Ācɛ alɛwa géē “cɛ̄tra Ɔwɔicō ojigógó” ɔdaŋ ku ohi ku alɔ wɛ usekɔnd 30 amāŋ ɛ̄nɛ̄ ō nyɛ fiyɛ.—Uhíb. 13:15.
Ijé Ō Gwo: Gwiije mla ɔtu caca. (Aíjē 147:1) Á lɔfu lɛ ɛga ō ta ohi ipu ɛjɛɛji ōjila ku ujɔ ŋ, o fiyɛ duu a, ōjila ku ujɔ nɛ ācɛ lɛwa nɛhi, amáŋ a lɔfu lɛ ɛga ō gwo ijé. Ɔdaŋ ku a gbɛla ku á lɛ ɔkɔ ku ijé ŋ naana, eko duuma nɛ a ya ofiyɛ duu ku uwɔ Ujehofa géē gweeye! (2 Ukɔ́r. 8:12) A lɔfu ya otutu ŋma lɛ ō gwo aijé a ŋma ɔlɛ.
Lɛ UVIDIO nyā mafu Ō Jɛ Gɔbu Nōo Yɔ I Ya Ipu Ɔwa Ku Alɔ—Ɛhi Ku Ijé Ō Gwo, Aya 1. Cɛɛ a lɛ ɔka nyā da ayinɛ a kahinii:
Ogbɔɔ ŋma ajɛ ku ɔwa ku Ujehofa nōo yɔ icɛ a, ɛgɛnyá nɛ alɔ mafu kóō gwo ijé cɛtra Ujehofa cɛgbá a?
8. Ubáyíbu Oklɔcɛ Ku Ujɔ
(uminiti 30) bt ɛyi 9 ¶1-7, aɛlā ō bi gbɔɔ ku aya 3 mla ikpati nōo yɔ upeji 70
