ƆDIYA NŌÓ CƐGBÁ A: Ɔkpá ku 1 Ācɛ Ukɔ́rīnti wɛ éyi ku ɔkpá amāŋ uleta 14 nɛ ɔyikpo Upɔlu ta gē lɛ ayinɛ ipu ujɔ kóō tu uwa ɔtu kwu ɔtu. Uleta ō ta gē jɛ ɛga lɛ ɔcɛ nōo yɔ i ta ɔ a kóō gbɛla lɔɔlɔhi ɛɛ kóō ta ɔkpá a, ó klla gē cɛ lɛ ɔcɛ néē ta uleta nyā fu ɔ a kóō jé ɔ eko duuma nɛ ó dɔka ō jé uleta a. Uleta ō ta wɛ ɛnɛnɛ ɔwɛ ō kɛla Ɔwɔico lɛ aɔmaapu alɔ mla ācɛ nɛ alɔ jé. Ó klla wɛ ɛnɛnɛ ɔwɛ ō bi le kɛla Ɔwɔico lɛ ācɛ nɛ alɔ i má éyi ŋ. Ocabɔ mafu, ɔcɛ lɔfu le mafu lɛ alɔ ku ɔkwɛyi he anuɔ ɔtu amáŋ alɔ i gē má ɔ ɔlɛ ŋ. Ācɛ ōhī ɛga nɛ alɔ gē tɔɔna a lɔfu lā ɛga nōó tɔɔtɛ lɛ alɔ ō nyɔ i tɔɔna ŋ ohigbu kéē lā ɔlɛ nōo lɛ ugeti, ɛga néē lɛ ɔgba ce tu aɔlɛ alɛwa klla lɛ ugeti kwu ɔ amāŋ ɛga nɛ ɔlɛ duuma i kwu ɔ ajaajɛ ŋ. Ɔdi nɛ alɔ cika ō bi ipu ɔtu eko nɛ alɔ yɔ i ta uleta fu ācɛ nɛ alɔ i jé ŋ ma?

ƐGƐ NƐ A GÉĒ YA Ɔ A:

• Ɔkpá nɛ a gáā ta a cika ō wɛ ɛlā nɛ a géē ka ɔdaŋ ku a lɛ ɔcɛ ɔɔma má ipeyi. Lɛ ɔcɛ nɛ a wɛ a ka o gbɔɔ ŋma ajɛ ku uleta a, klla lɛ ɔdā nōo ya nɛ a yɔ i ta uleta a ka teyi peee. A lɔfu da ɔcɛ ɔɔma ɔka kóō gbɛla tu ɔ, cɛɛ a lɛ uwɛbsiti ku alɔ mafu lɛ ɔ. Lɛ da ɔ lɛyikwu Online Bible Study Lessons, lɛ ɛgɛ nɛ alɔ gē yoklɔcɛ mla ācɛ a da ɔ, amāŋ lɛ ocabɔ mafu ku ikpɛyi ɛlā ŋma ɔkpá nɛ alɔ gē bi lɛ yoklɔcɛ a ta lɛ ɔ duu. Alɔ lɔfu lɛ aɔkpá bɛɛka kard ku jw.org, ɔkpá o hi igwú amāŋ utrat tɛhɔ bla uleta a iyē duu

• Ɛlā nɛ a gáā ka kóō lɛ kpii. Lɛ uleta ku uwɔ ŋmɛyi ɛɛ ku ɛ̄jɛ̄ kóō je jɛ ɔcɛ nōo yɔ i jé uleta a.—Má ocabɔ mafu ku uleta nōo yɔ upeji 8

• Lɛ uleta nɛ a ta a jé, ku a má ɛga duuma nɛ á ta ɔ lɔhi ŋ ma o ya ɛɛ ku a lɛ ɔ tuya lɔɔlɔhi, kóō lɔɔnyɛ ō po ahɔ, klla wɛ ɔdā nɛ a ta mla ijeeyi. Ɔdaŋ ku a gáā bi post office le tu uleta a ɛhɔ, lɛ ije ku stamp a gba.