Ɔcɛ nōo gē na iye da cɛgbá ō gɔbu yɔ i nwu ɔkpiye ku nu jé eko doodu o ya ɛɛ ka ɔkpiye ku nu kóō le nwu jé lɔɔlɔhi. Ɔwɛ ekpo ɔɔma duu, alɔ cɛgbá ō gɔbu yɔ i nwu ɔtu ku alɔ jé o ya ɛɛ ku alɔ jé ɛyɛɛyɛyi ku ɔdā olɔhi mla ɔdobɔbi. (Uhíb. 5:14) Ó lɔfu ya alɔ ku alɔ yɛce ōmiya nɛ ācɛ ɔhá ya a, amáŋ alɔ cɛgbá ō gbɛla klla ya ōmiya abɔyi alɔ. Ɔdiya? Ohigbu ka eyeeye ku alɔ géē kɔkɔ ku ōmiya duuma nɛ alɔ ya a.​—Uróm 14:12.

Alɔ i cika ō gbɛla ku alɔ géē ya ōmiya olɔhi ohigbu ku alɔ ya ubatisim ihayi alɛwa ɛ ma ŋ. O ya ɛɛ ku alɔ ya ōmiya ku ijeeyi, alɔ cɛgbá ō gbolo ce Ujehofa duudu, Ɛlā ku nu mla ɔwa ku nu.​—Ujós. 1:7, 8; Aíit. 3:5, 6; Umát. 24:45.

LƐ UVIDIO NYĀ MAFU NŌO KAHINII: “GƆBU KU A YƆ I LƐ ƆTU OYEŊEE,” CƐƐ AA LƐ ƆKA NŌO BA NYĀ CILA:

• Ōmiya nyá nɛ Emma cɛgbá ō ya a?

• Ɔdiya nɛ alɔ i cika ō ta ohi tu ɛlā nōo lɛ ō ya mla ɛlā nɛ ɔcɛ cika ō miya ipu ɔtu ku nu ŋ ma?

• Ukɔ́ ku ijeeyi nyá nɛ ɔba mla ɔnyā éyi tu Emma a?

• Imi nɛ Emma má ɛnɛɛnɛ ɛlā nōo ta ɔ abɔ ipu āhɔ̄ nɛ ó yɔ ipu nu a?