Ó wɛ ɔdā ō he alɔ ɔtu nɛhi ō lɛ ubrociɔ mla ɔkpá ɛyipɛ ō bi le ya oklɔcɛ ku Ubáyíbu! Alɔ kē gbɔɔkɔ ka Ujehofa kóō lɛ ɔhā hɛ ce oceyitikwu ku alɔ ō lɛ ācɛ piya ayikpo tōōtɔ̄ɔ̄. (Umát. 28:18-20; 1 Ukɔ́r. 3:6-9) Ɛgɛnyá nɛ alɔ géē bi ɔkpá ɛyipɛ nyā le yuklɔ a?

Abɔ ɔkpá ku Jɔɔnyɛ Oyeeyi Nōó Gáā Mɛ Gboogboo Ŋ!, aku ohutu ku ɛlā ō nwu ku Ubáyíbu a mafu ɔwɛ ɛyipɛ nɛ alɔ géē bi le nwu ɛlā a, yɛce aɔwɛ nyā abɔ a yɔ i ya otutu klla yɔ i klɔcɛ ku Ubáyíbu a. *

• Lɛ ogwotu ɛyɛɛyɛyi a jé, cɛɛ ku aa kɔka lɛyikwu aɔka a

• Lɛ aɛga ku Ubáyíbu néē ta u “jé” ba ɔ iyē a jé, ku a klla ta ɔcɛ nɛ a gē klɔcɛ mla ɔ a abɔ kóō jɛyi ku ɛgɛ nɛ ó géē bi aɛga ku Ubáyíbu a le yuklɔ

• Lɛ auvidio a mafu, ku aa klla kɔka lɛyikwu ɔ ŋma lɛ ō bi aɔka néē ta bu uvidio a iyē a le yuklɔ

• Ceyitikwu ku a ya ɛlā ō nwu éyi mɛ ipu oklɔcɛ duuma

Ipu uklɔ ku ɔna ō ta, kwu ubrociɔ a u lɛ ɔcɛ aflɛyi ku a jé ɛgɛ nɛ ɛlā a he ɔ ɔtu lɛ a. (Má ikpati nōo kahinii: “ Ɛgɛ Nɛ A Géē Je Ubrociɔ Ku Jɔɔnyɛ Oyeeyi Nōó Gáā Mɛ Gboogboo Ŋ! Lɛ Ɔcɛ Eko Aflɛyi A.”) Ɔdaŋ ku aa kwu ubrociɔ a u klɔcɛ mɛ, nɛ ɔcɛ nɛ a yɔ i klɔcɛ mla ɔ a dɔka ō gɔbu mla oklɔcɛ ku nu, kwu ɔkpá u lɛ ɔ cɛɛ ku aa gbɔɔ ŋma ɛlā ō nwu ɔmɛ 04. Ɔdaŋ ku a yɔ i klɔcɛ mla ɔcɛ gbɔbu mla ɔkpá ku Teach Us amāŋ Remain in God’s Love, kwu ɔkpá ō bi le klɔcɛ a i piyabɔ gā ɔkpá ku Jɔɔnyɛ Oyeeyi Nōó Gáā Mɛ Gboogboo Ŋ! ma, ku a lɛ ɔ miya abɔyi uwɔ ɛga nɛ a géē gbɔɔ oklɔcɛ ŋma mla ɔcɛ a.

LƐ UVIDIO NYĀ MAFU NŌO KAHINII: AHINYA Ō WA AYA KU UBÁYÍBU OKLƆCƐ KU UWƆ, CƐƐ AA LƐ ƆKA NŌO BA NYĀ CILA:

• Ɔdi nɛ ācɛ nɛ a gē klɔcɛ mla uwa a gáā nwu ŋma ɔkpá ɛyipɛ nyā a?

• Ɔdiya nɛ a cika ō mafu uvidio nyā lɛ ɔcɛ nɛ a gē klɔcɛ mla ɔ ɛyipɛ a?

• Omiya nyá nɛ a lɔfu ta ɔcɛ nɛ a gē klɔcɛ mla ɔ a ɔtu kwu ɔtu kóō ya, kóō klla ceyitikwu lɛ ōmiya a ya jila a?​—Má ucaati nōo kahinii: “ Ɔcɛla Mla Ɔdā Nɛ A Géē Ya Ku Aya Doodu”