Ɛlā ku Ɔwɔico je ɛjɛɛji ɔdā nɛ alɔ cɛgbá nu a lɛ alɔ o ya ɛɛ ku alɔ lé ɔtu unwalu ɛyɛɛyɛyi ɛpleeko nɛ ɛcɛ gáā mɛ nyā. (2 Utím. 3:1, 16, 17) Naana kpɔ a, ó lɛ eko ōhī nɛ alɔ géē cɛgbá ukɔ́ ku Ubáyíbu nɛ alɔ géē bi le yuklɔ ipu āhɔ̄ éyi piii. Ocabɔ mafu, a wɛ adā amāŋ ɛ́nɛ́ nōo yɔ i dɔka ukɔ́ lɛyikwu ɛgɛ nɛ a géē bi ayipɛ ɔlɛ uwɔ jɛ? A wɛ ɛdrɔ nōo yɔ i má ojama ohigbu ɔtu okpoce ku uwɔ? A yɔ ipu ɔtu nobi ohigbu ku ɔba uwɔ amāŋ ɔnyā uwɔ gekwu nɛɛ? A géē má aɛlā ipu jw.org nōo géē ta uwɔ abɔ má aukɔ́ ku Ubáyíbu nōo tɛɛma kwu āhɔ̄ ɔɔma piii mla aɛlā ɔhá nōo géē ta uwɔ abɔ ipu aya ɛyɛɛyɛyi ɔhá.—Aíit. 2:3-6.

Ɛga ō gbɔɔ ŋma ku jw.org a, lɛ abɔ da u BIBLE TEACHINGS. (Má ifoto 1.) Ŋma aɛlā nōo bɛɛcɛ a, lɛ abɔ da ikpɛyi ɛlā duuma nōo he uwɔ ɔtu a. Amāŋ lɛ abɔ da LIBRARY > ARTICLE SERIES cɛɛ ku a je ikpɛyi ɛlā duuma nōo he uwɔ ɔtu a. (Má ifoto 2.) A lɔfu má ɔ ɔwɛ ekponu lɛ a ipu JW Library^® duu. * A lɔfu jɔɔnyɛ ō leyi má aikpɛyi ɛlā a ŋma ɛga ɛplɛɛpa nyā gla. Ɔwɛ ɔhá wɛ ō dɔka aikpɛyi ɛlā duuma nōo he uwɔ ɔtu ŋma lɛ ō lɛ abɔ da ikpati néē bi le dɔka odee ipu jw.org a.

Lɛ aikpɛyi ɛlā nōo ba nyā ta tu ipu ikpati néē bi le dɔka odee, cɛɛ ku a lɛ aikpɛyi ɛlā nɛ a géē dɔka ō jé a ta taajɛ.

• Raising children

• Teenage depression

• Death of a mate