A gē jɔɔnyɛ ō bi u auvidio mla aɔka nōo yɔ ipu ɔkpá ku Jɔɔnyɛ Oyeeyi Nōó Gáā Mɛ Gboogboo Ŋ! ma le yuklɔ? Aɔdā ōhī bɛɛka aya ku “Ācɛ Ōhī Gē Ka,” “Ɔdā nɛ a géē ya,” mla “Jila Ɛlā Nyā Má Tōōtɔ̄ɔ̄” kē bɛɛ? Aɔdā ōhī ɔhá nyá nɛ a lɔfu má ŋma ipu ɔkpá a eko duuma nɛ a gē bi ɔ le klɔcɛ mla ācɛ a?—Umát. 28:19, 20.

Uvidio Mla Ɔkpá: Ɔdaŋ ku a dɔka ō bi ɔkpá nyā ɛ̄nɛ̄ é ya wɛɛcɛ a le ya oklɔcɛ ku Ubáyíbu mla ɔcɛ, ɛgɛnyá nōó géē tɔɔtɛ gā uwɔ ō má ɛjɛɛji auvidio mla aɔkpá nōo yɔ ipu nu ɛga ekponu a? Ipu ɔkpá a nōo yɔ ipu ɔdā ō le gwo uwaya, lɛ abɔ da aya éyi ŋma ipu aya ɛnɛ a. Oŋmɛyi ku upeji néē ta ɛjɛɛji aikpɛyi ɛlā ku ɛlā ō nwu a tu ɔ a, lɛ abɔ da Uvidio Mla Ɔkpá, a géē má ɛjɛɛji auvidio mla aɔkpá nōo lɛ o ya mla aya ɔɔma a. (Ma Ifoto 1.)

“Printed Edition”: Ɔdaŋ ku a yɔ i klɔcɛ mla ɔcɛ mla ɔdā ō bi le gwo uwaya amāŋ ukɔmputa, a géē lɛ itene fiyɛ ŋma lɛ ō kwu ɔ u piyabɔ gā u “Printed Edition” eko ɛyɛɛyɛyi abɔ a yɔ i ya oklɔcɛ a. Ɔdaŋ ku a lɛ ɛlā ō nwu a nwula, lɛ abɔ da ina ɛta nōo yɔ ɛhico ku abɔlɔna a, cɛɛ ku a lɛ abɔ da u “Printed Edition.” “Printed Edition” nyā lɔfu ta uwɔ abɔ gbɛla lɔɔlɔhi lɛyikwu ɛgɛ nɛ ɛlā nɛ aa yɔ i kɔka lɛyikwu ɔ a tɛɛma kwu ikpɛyi ɛlā ku ɛlā ō nwu a. O ya ɛɛ ku aa cigbihi gā “Digital Edition” a, lɛ abɔ da ina ɛta nōo yɔ ɛhico ku abɔlɔna a, cɛɛ ku a lɛ abɔ da u “Digital Edition.”

“N Le Tutu Ɛɛ?”: Aikpati nyā nōo yɔ aya oŋmɛyi ku ɔkpá nyā da alɔ ɔdā nɛ ɔcɛ cika ō ya gbɔbu ɛɛ kóō cika jɛ ō tɔɔna mla ujɔ klla ya ubatisim a. (Má ifoto 2.)

Aɛlā néē ta oŋmɛyi ku ɔkpá a: Aɛlā néē ta oŋmɛyi ku ɔkpá a gē lɛ aɛlā ocɛgba a teyi peee lɔɔlɔhi. Ipu ɔkpá a nōo yɔ ipu ɔdā ō le gwo uwaya a, oŋmɛyi ku aɛlā néē ta oŋmɛyi ku ɔkpá a lɛ ina nōo gē bi uwɔ cigbihi gā ɛga nɛ a ŋma ipu ɛlā ō nwu a. (Má ifoto 2.)