Ācɛ nōo gē dɔka ikpɛla amāŋ ŋma alɔ okonu a lɔfu ya ku ɔtu kóō biya lɛ alɔ amāŋ gbenyi lɛ alɔ. É klla lɔfu ya ku ɛma ku alɔ mla Ujehofa kóō hii lɔfu gɛ ŋ, ɔdaŋ ku alɔ gbɔɔ ō yuufi eko duuma néē yɔ i bɛyikwu alɔ. Ɛgɛnyá nɛ a gáā gbo iyi uwɔ ŋma ɛgiyi ācɛ nōo gē dɔka ikpɛla a?

Mla otabɔ ku Ujehofa ācɛ alɛwa nōo gē gba ɔ ɛ̄gbā a lɛ ācɛ nōo gē dɔka ikpɛla ku uwa a yale ohigbu kéē gbolo ce ɔ. (Aíjē 18:17) Ocabɔ mafu, Ɛsta kɛla tɛɛcɛ lɛyikwu ojuju obɔbi ku ɔcɛ ō dɔka ikpɛla nōo lé ka Uhaman a. (Ɛ́sta 7:​1-6) Gbɔbu kóō ya ɛnyā a, ó mafu ka ó gbolo ce Ujehofa ŋma lɛ ō gwu okonu. (Ɛ́sta 4:​14-16) Ujehofa lɛ ɔhā hɛ ce ɔdā nōo ya a klla lɛ anu mla ācɛ ɔlɛ nu gbotu.

Aɛdrɔ, ɔdaŋ ku ācɛ nōo gē dɔka ikpɛla a gbɔɔ ō ta uwɔ ufi, ba Ujehofa kóō ta uwɔ abɔ, ku a klla kɛla lɛ ɔcɛ nōo wɛ ijimkpa bɛɛka adā mla ɛ́nɛ́ uwɔ lɛyikwu unwalu ku uwɔ. Le jé kpɔcii ka Ujehofa géē ta uwɔ abɔ ɛgɛ nɛ ó ta Ɛsta abɔ a. Ɔdi ɔhá nɛ a lɔfu ya kpɔ o ya ɛɛ ku a ya ācɛ nōo gē dɔka ikpɛla lé a?

LƐ UVIDIO NYĀ MAFU NŌO KAHINII: OYEEYI KU ƐDRƆ KU UM—ƆDI NƐ UM LƆFU YA EKO NƐ ĀCƐ YƆ I DƆKA IKPƐLA KU UM A? CƐƐ AA LƐ ƆKA NŌO BA NYĀ CILA:

• Ɔdi nɛ aɛdrɔ lɔfu nwu ŋma ocabɔ ku Charlie mla u Ferin a?

  Ohi ku uwɔ

• Ɔdi nɛ adā mla ɛ́nɛ́ lɔfu nwu ŋma ɛlā nɛ u Charlie mla u Ferin ka lɛyikwu ō ta ayipɛ ɔlɛ uwa abɔ eko nɛ ācɛ yɔ i dɔka ikpɛla ku uwa a?

  Ohi ku uwɔ