Ɔtu gē biya lɛ ɛjɛɛji ācɛ ekoohi. Ɔdaŋ ku ɔtu le biya lɛ alɔ, ɔɔma i wɛ ku alɔ i kpɔtuce Ujehofa gɛ ŋ nɛ ŋ. Da ma, Ujehofa abɔyinu ka kóō lɛ ekoohi nɛ ɔtu gē biya lɛ ɔ. (Ohút. 6:​5, 6) Amáŋ, ɔdaŋ ku ɔtu gē biya lɛ alɔ igbalɛwa amāŋ eko doodu bɛɛ?

Gbɔɔkɔ lɛ Ujehofa kóō ta uwɔ abɔ. Ujehofa lɛ ɛlá wu ɛgɛ nɛ ɔtu gē ya alɔ a nɛhi. Ó jé eko nɛ alɔ gē gweeye mla eko nɛ ɔtu le biya alɔ. Ó jé ɔdā nōo ya ɛɛ nɛ alɔ gē gbɛla klla gē ya odee ɔwɛ nɛ alɔ gē ya a. (Aíjē 7:9b) Ɛnɛ ō cɛgbá fiyɛ duu a wɛ ka Ujehofa lɛ ɛlá wu alɔ, ó klla lɔfu ta alɔ abɔ ku alɔ lé ɔtu ku ɛgɛ nɛ ɔtu gē ya alɔ lɛ a amāŋ eko nɛ ɔtu ya alɔ ku alɔ i lɛ eyiyoce duuma gɛ ŋ.—Aíjē 34:18.

Gbo ɔtu ku uwɔ tu. Eko nɛ ɔtu le biya lɛ alɔ, alɔ i gē lɛ eeye ŋ. Ó kē wɛ ɔɔma foofunu ŋ, ó gē lɛ abɔ kwu ɛma ku alɔ mla Ujehofa duu. Ohigbi ɛnyā a, alɔ ceyitikwu ku alɔ gbo ɔtu ku alɔ—ɔɔma kē wɛ ɔcɛ nɛ alɔ wɛ eyipu a.—Aíit. 4:23.

LƐ UVIDIO NYĀ MAFU NŌO KAHINII: ƐGƐ NƐ AYINƐ ALƆ YƆ I JƆƆNYƐ ƐBƆ NAANA NƐ ƆTU LE GBENYI LƐ UWA A, CƐƐ AA LƐ ƆKA NŌO BA NYĀ CILA:

• Ɔdi mla ɔdi nɛ u Nikki ya o ya ɛɛ kóō lé ɔtu ku ɛgɛ nɛ ɔtu gbenyi lɛ ɔ a?

  Ohi ku uwɔ

• Ɔdiya ɛɛ nɛ ɔtu ya u Nikki kóō cɛgbá otabɔ ŋma ɛgiyi aidɔkitɔ a?— Umát. 9:12

  Ohi ku uwɔ

• Ɔwɛ ɛgɛnyá nɛ u Nikki gbolo ce Ujehofa kóō ta ɔ abɔ a?

  Ohi ku uwɔ