Ɔya Ɔmahaanɛ 16-22
AÍJĒ KÚ Ɛ̄GBĀ 85-87
Ijé Ɔmɛ 41 mla Ɔkɔ o gba | Aɛlā O Bi Gbɔɔ (uminiti 1)
1. Ɔkɔ Ō Gba Gē Ta Alɔ Abɔ Lé Ɔtu
(uminiti 10)
Ba Ujehofa ɛba kóō je eeye gā uwɔ (Aíjē 86:4)
Ba Ujehofa ɛba kóō ta uwɔ abɔ hayi kpaakpa (Aíjē 86:11, 12; w12 5/15 25 ¶10)
Kpɔtuce ka Ujehofa géē cila ohi ku ɔkɔ ō gba ku uwɔ (Aíjē 86:6, 7; w23.05 13 ¶17-18)
DA IYI UWƆ ƆKA, ‘Eko nɛ um lɛ unwalu, n gē gbɔɔkɔ nwune fiyɛ klla i gbɔɔkɔ gboji ajɛ?’—Aíjē 86:3.
2. Ɛnɛɛnɛ Ɛlā Nɛ Alɔ Nwu Ŋma Ɛlā Ɔwɔico
(uminiti 10)
-
Aíjē 86:11—Ɔdi nɛ ɔkɔ ō gba ku Udefidi da alɔ lɛyikwu ɔtu ku ɔcɛ a? (it-1 1058 ¶5)
-
Agbenu nyá nɛ a má ŋma ipu Ubáyíbu ō jé ku alaadi nyā nɛ a géē dɔka ō kɔ mɛmla alɔ a?
3. Ubáyíbu Ō Jé
(uminiti 4) Aíjē 86:1–87:7 (th oklɔcɛ ɔmɛ 12)
4. Ō Gbɔɔ Ɔka Ō Ka
(uminiti 3) Ō KƐLA ƆWƆICO EKO NƐ Á YƆ I TƆƆNA Ŋ. Da ɔcɛ ɔɔma lɛyikwu oklɔcɛ ku Ubáyíbu. (lmd ɛlā ō nwu ɔmɛ 3 ogwotu 5)
5. Ōcigbihi Nyɔ
(uminiti 4) Ō KƐLA ƆWƆICO EKO NƐ Á YƆ I TƆƆNA Ŋ. Da ɔcɛ a lɛyikwu oklɔcɛ ku Ubáyíbu. Ɔcɛ a da uwɔ ŋma igbihi gbɔbu ka ɔtu yɔ i junwalu lɛ anuɔ lɛyikwu odee nōo yɔ i ya ɛpleeko ku alɔ nyā. (lmd ɛlā ō nwu ɔmɛ 7 ogwotu 4)
6. Lɛ Ācɛ Piya Ayikpo
(uminiti 5) lff ɛlā ō nwu ɔmɛ 15 ogwotu 5. Kɛla lɛyikwu ōmiya ku ɔcɛ nōo géē klɔcɛ mla ɔcɛ nɛ a gē klɔcɛ mla anu a alaadi ɔhá nɛ á gáā yɔ ɔlɛ ŋ ma. (lmd ɛlā ō nwu ɔmɛ 10 ogwotu 4)
Ijé Ɔmɛ 83
7. Ɛ̄jɛ̄ Kóō Hii Jɛ Uwɔ Ŋ
(uminiti 5) Ɔka o ka.
Lɛ UVIDIO nyā mafu. Cɛɛ a lɛ aɔka nōo ba nyā da ayinɛ a kahinii:
-
Ipu uklɔ ku ɔna ō ta, ɔdiya ɛɛ nɛ ɛ̄jɛ̄ gē dɔka ō jɛ alɔ ekoohi a?
-
Ɔdiya nɛ alɔ i cika ō cɛ lɛ ɛ̄jɛ̄ jɛ alɔ ŋ ma?
8. Gɔbu Yɔ I Da Ācɛ Lɛyikwu Oklɔcɛ Ku Ubáyíbu!
(uminiti 10) Ɔka o ka.
A gbɔɔ ō bi ubrociɔ ku Jɔɔnyɛ Oyeeyi Nōó Gáā Mɛ Gboogboo Ŋ! ma le gbɔɔ oklɔcɛ ku Ubáyíbu mla ācɛ ɛpleeko ku ɛnɛɛnɛ uklɔ ku ɔna ō ta ipu ɔya nyā ɛɛ? Ɔdaŋ kóō lɛ a, a géē yɔ i gweeye nɛhi! A jé ŋ, ācɛ ōhī kē lɛ ɔtu ō tu kwu ɔtu ŋma ɔdā nɛ a ya a. Abɔ ɔhá ku nu a, ɔdaŋ ku á gbɔɔ oklɔcɛ ku Ubáyíbu mla ācɛ ɛ ŋ, a lɔfu yɔ i gbɛla ɔdaŋ ka oceyitikwu ku uwɔ tiile duuma. Ɔdi gáā ta uwɔ abɔ ɔdaŋ ku abɔ le hɛ uwɔ iyē ohigbu ku á gbɔɔ oklɔcɛ ku Ubáyíbu mla ɔcɛ duuma ɛ ŋ ma a?
Lɛ UVIDIO nyā mafu nōo kahinii: “Alɔ Gē Mafú Ka Alɔ Wɛ Ācocɛ̄hɔ̄ Kú Ɔwɔicō . . . Alɔ lɔtulé”—Eko Nɛ Alɔ Gē Tɔɔna. Cɛɛ a lɛ aɔka nōo ba nyā da ayinɛ a kahinii:
-
Ɛgɛnyá nɛ 2 Ācɛ Ukɔ́rīnti 6:4, 6 géē ta alɔ abɔ eko duuma nɛ uklɔ ku ɔna ō ta ku alɔ lɛbɛɛka “ɔgɔ nōó lɛ oŋmɛyi ŋ ma”?
-
Opiyabɔ nyá nɛ a lɔfu ya ɔdaŋ ku a gbɛla ka oceyitikwu ku uwɔ i tiile ŋ, ohigbu ku á gbɔɔ oklɔcɛ ku Ubáyíbu duuma ɛ ŋ ma?
Bla ku eeye ku alɔ i gē wa ŋma lɛ oklɔcɛ ku Ubáyíbu ɛmula nɛ alɔ gbɔɔ amāŋ ya mla ācɛ ŋ. Ikɔkɔ ɔɔma, eeye ku alɔ gē wa ŋma lɛ ō jé ka oceyitikwu ku alɔ jɛ Ujehofa eyī. (Ulúk. 10:17-20) Ó lɛ a, gɔbu ku a yɔ i wɛ ipu ɛnɛɛnɛ uklɔ ku ɔna ō ta a mla oduudu ɔtu ku uwɔ abɔ a jé ‘ka uklɔ duu nɛ a ya lɛ Ɔwɔico a i bonu ŋ ma’!—1 Ukɔ́r. 15:58.
9. Ubáyíbu Oklɔcɛ Ku Ujɔ
(uminiti 30) bt ɛyi 15 ¶13-14, ikpati nōo yɔ upeji 121
