Ɔya Ɔmahaanɛ 2-8
AÍJĒ KÚ Ɛ̄GBĀ 79-81
Ijé Ɔmɛ 29 mla Ɔkɔ o gba | Aɛlā O Bi Gbɔɔ (uminiti 1)
1. Mafu Ihɔtu Lɛ Iye Ku Ujehofa Nōo Tu Ɛgahi Nɛhi A
(uminiti 10)
A hii ya aɔdā nōó gáā mafu ojilima lɛ Ujehofa ŋ (Aíjē 79:9; w17.02 9 ¶5)
Cɛtra iye ku Ujehofa (Aíjē 80:18; ijwbv 3 ¶4-5)
Ujehofa gē hɔha ce ācɛ nōo gē lɛyitaajɛ lɛ ɔ klla gē mafu ihɔtu lɛ iye ku nu a (Aíjē 81:13, 16)
O ya ɛɛ ku uce ō ya ku alɔ kóō mafu ojilima lɛ iye ku Ujehofa, alɔ cɛgbá ō mafu ku alɔ wɛ Ācɛ Ocijali Ku Ujehofa
2. Ɛnɛɛnɛ Ɛlā Nɛ Alɔ Nwu Ŋma Ɛlā Ɔwɔico
(uminiti 10)
-
Aíjē 79:9—Eko nyá piii nɛ alɔ cika ō leyice ka Ujehofa géē jahɔ tu ɔkɔ ō gba ku alɔ a? (w06 7/15 12 ¶5)
-
Agbenu nyá nɛ a má ŋma ipu Ubáyíbu ō jé ku alaadi nyā nɛ a géē dɔka ō kɔ mɛmla alɔ a?
3. Ubáyíbu Ō Jé
(uminiti 4) Aíjē 79:1–80:7 (th oklɔcɛ ɔmɛ 10)
4. Ō Gbɔɔ Ɔka Ō Ka
(uminiti 1) Ō ŊMA ƆLƐ GĀ ƆLƐ. Da ɔcɛ ɔɔma lɛyikwu oklɔcɛ ku Ubáyíbu. (lmd ɛlā ō nwu ɔmɛ 4 ogwotu 4)
5. Ō Gbɔɔ Ɔka Ō Ka
(uminiti 3) Ō KƐLA ƆWƆICO EKO NƐ Á YƆ I TƆƆNA Ŋ. Da ɔcɛ ɔɔma lɛyikwu oklɔcɛ ku Ubáyíbu. (lmd ɛlā ō nwu ɔmɛ 4 ogwotu 3)
6. Ō Gbɔɔ Ɔka Ō Ka
(uminiti 2) Ō TƆƆNA ƐGA NƐ ƐWA KU ĀCƐ GĒ BA. Da ɔcɛ ɔɔma lɛyikwu oklɔcɛ ku Ubáyíbu. (lmd ɛlā ō nwu ɔmɛ 3 ogwotu 3)
7. Ōcigbihi Nyɔ
(uminiti 5) Ō ŊMA ƆLƐ GĀ ƆLƐ. Da ɔcɛ nɛ ó dɔka ō klɔcɛ gbɔbu ŋ ma lɛyikwu oklɔcɛ ku Ubáyíbu. (lmd ɛlā ō nwu ɔmɛ 8 ogwotu 3)
Ijé Ɔmɛ 10
8. “É Géē Lɛ Ojīlīma Ce Um”
(uminiti 15) Ɔka o ka.
Usetan gbɔɔ ō bi ɛca gē lɛ iye ku Ujehofa ipu iga ku Idɛn. Oŋma eko ɔɔma a, ōmiya ocɛgba fiyɛ duu nɛ alɛɛcɛ mla aalelekwu otɛhɔ géē ya a, wɛ ōmiya ɔdaŋ kéē géē lɛ ojilima ce iye ku Ujehofa amāŋ ɔdaŋ kéē gáā le ce ɔ ŋ.
Gbɛla kwu ɛkɛmgbɛ obɔbi ōhī nɛ Usetan ka lɛyikwu Ujehofa a. Ó ka Ujehofa ɔ lɔnɔtu ka ó klla wɛ ɔcɛ́ nōó yihɔtu ācɛ ɔlɛ nu ŋ. (Ohút. 3:1-6; Ujób. 4:18, 19) Ó ka ācɛ ō gba Ujehofa ɛ̄gbā i yihɔtu ku nu ɔkwɔɔkwɛyi ŋ. (Ujób. 2:4, 5) Ó klla ya nɛ umiliyɔn alɛwa ku ācɛ kpɔtuce ka ó wɛ Ujehofa ya ɛjɛɛji aɔdā oheyifuu nōo yɔ ipu ɛcɛ a ŋ.—Uróm 1:20, 21.
Ɛgɛnyá nɛ aɛkɛmgbɛ nyā gē ya ku ɔtu kóō ya uwɔ lɛ a? Ó lɔfu wɛ ka aɛkɛmgbɛ nyā gē ya uwɔ ku a canjɛ ku a kɛla lɛyikwu Ujehofa! Ujehofa jé ka ācɛ ɔlɛ nu gē dɔka ō tabɔ ya cɛɛ ku iye ku nu kóō lɛ ojilima. (Má Ayisáya 29:23.) Ɔwɛ ɛgɛnyá nɛ a lɔfu tabɔ a?
-
Ta ācɛ ɔhá abɔ wa gáā jé klla yihɔtu ku Ujehofa. (Ujɔ́n. 17:25, 26) Le tutu ō mafu lɛ ācɛ ka Ujehofa yɔ ɔkwɔɔwɛyi, ku a klla nwu ācɛ ɔhá lɛyikwu auce olɔhi ku nu.—Ayis. 63:7
-
Yihɔtu ku Ujehofa mla ɛjɛɛji ɔtu ku uwɔ. (Umát. 22:37, 38) Lɛyitaajɛ lɛ ɔ́da ku Ujehofa, ó wɛ ohigbu olɔhi ku uwɔ foofunu nóó, amáŋ a dɔka ku Ujehofa kóō gweeye.—Aíit. 27:11
Lɛ UVIDIO nyā mafu Ihɔtu Ku Uwɔ Kóō Hii Mɛ Gboogboo Ŋ Naana . . . Nɛ Ācɛ Gē Lā Oyeeyi Iciici Inɔkpa Ku Uwɔ A. Cɛɛ a lɛ aɔka nōo ba nyā da ayinɛ a kahinii:
-
Ɛgɛnyá nɛ Ariel mla u Diego kɛla lɛyikwu Ujehofa a?
-
Ɔdi lɛ abɔ kwu uwa ɔtu kéē kɛla lɛyikwu iye ku Ujehofa a?
-
Ɛgɛnyá nɛ a lɔfu gbla ocabɔ ku uwa ya a?
9. Ubáyíbu Oklɔcɛ Ku Ujɔ
(uminiti 30) bt ɛyi 15 ¶1-7, aɛlā ō bi gbɔɔ ku aya 6
