Ɔya Ɔmigwo 7-13
AÍJĒ KÚ Ɛ̄GBĀ 92-95
Ijé Ɔmɛ 84 mla Ɔkɔ o gba | Aɛlā O Bi Gbɔɔ (uminiti 1)
1. Ɛ̄gbā Ō Gba Ujehofa Wɛ Ɔwɛ Olɔhi Fiyɛ Duu Ō Lā Oyeeyi A!
(uminiti 10)
Ujehofa cika nɛ alɔ gē gba ɔ ɛ̄gbā (Aíjē 92:1, 4; w18.04 26 ¶5)
Ó gē ta ācɛ ɔlɛ nu abɔ je ɔdā o ya klla lɛ eeye (Aíjē 92:5; w18.11 20 ¶8)
Ācɛ nōo le hila okpilicii nōo gē gba ɔ ɛ̄gbā a jɛ ɔ eyī nɛhi (Aíjē 92:12-15; w20.01 19 ¶18)
DA IYI UWƆ ƆKA, ‘Ɔdi yɔ i ci um ŋma ō lɛ iyi um gwɛɛya lɛ Ujehofa klla lɛ Ubatisim ya a?’
2. Ɛnɛɛnɛ Ɛlā Nɛ Alɔ Nwu Ŋma Ɛlā Ɔwɔico
(uminiti 10)
-
Aíjē 92:5—Ɛgɛnyá nɛ aɛlā nyā mafu ijeeyi nɛhi ku Ujehofa a? (cl 176 ¶18)
-
Agbenu nyá nɛ a má ŋma ipu Ubáyíbu ō jé ku alaadi nyā nɛ a géē dɔka ō kɔ mɛmla alɔ a?
3. Ubáyíbu Ō Jé
(uminiti 4) Aíjē 94:1-23 (th oklɔcɛ ɔmɛ 5)
4. Ō Gbɔɔ Ɔka Ō Ka
(uminiti 4) Ō KƐLA ƆWƆICO EKO NƐ Á YƆ I TƆƆNA Ŋ. Ipu ɔka nɛ aa yɔ i ka a, dɔka ɔwɛ nɛ a gē da ɔcɛ a lɛyikwu uklɔ nɛ a gē ya abɔ a wɛ ɔcɛ nōo gē nwu ācɛ Ubáyíbu a. (lmd ɛlā ō nwu ɔmɛ 5 ogwotu 3)
5. Ōcigbihi Nyɔ
(uminiti 3) Ō KƐLA ƆWƆICO EKO NƐ Á YƆ I TƆƆNA Ŋ. Da ɔcɛ nɛ ó dɔka ō klɔcɛ gbɔbu ŋ amáŋ oklɔcɛ a he ɔ ɔtu babanya lɛyikwu oklɔcɛ ku Ubáyíbu (lmd ɛlā ō nwu ɔmɛ 8 ogwotu 4)
6. Lɛ Ācɛ Piya Ayikpo
(uminiti 5) Ɔka o ka mla ɔcɛ nɛ a gē klɔcɛ ku Ubáyíbu mla ɔ nɛ ó yɔ i jɛ gɔbu ŋ. (lmd ɛlā ō nwu ɔmɛ 12 ogwotu 5)
Ijé Ɔmɛ 5
7. Eko Nɛ Ɔtoplico Le Fiyɛ Aɛdrɔ Ɔfu
(uminiti 15) Ɔka o ka.
Ācɛ nōo gē gba Ujehofa ɛ̄gbā a lɔfu lɛ ɔtoplico gla. Ocabɔ mafu, Udefidi lɛ ɔtoplico eko ɛyɛɛyɛyi ipu oyeeyi ku nu, ɛgɔɔma nɛ ó kē lɛ mla ayinɛ alɔ nɔnyilɔ mla ayinɛ alɔ nɔnya duu a. (Aíjē 13:2; 139:23) Ó wɛ ɔdā okwiye ku ɔtoplico nyā gē lɛ abɔ kwu aɛdrɔ iyē duu. Ekoohi ɔtoplico lɔfu ya ku aɔdā ɛyɛɛyɛyi nɛ ɔcɛ gē ya bɛɛka ō gā inɔkpa mla ō gā ōjila ku ujɔ kóō jɛ ɔcɛ ɛ̄jɛ̄. Ó lɔfu ya ku ufi kóō gbɔɔ ō ya ɔcɛ amāŋ ku ɔcɛ kóō lɛ ɛlá ō gbo ō kwu iyi nu i ŋmo.
Aɛdrɔ eko duuma nɛ ɔtoplico le fiyɛ uwɔ ɔfu, ceyitikwu ku a kɛla lɛ ɛ́nɛ́ amāŋ adā uwɔ amāŋ ɔcɛ ō jikoko ipu ɛlā Ɔwɔico ɔhá duuma. Ku a klla ceyitikwu gbɔɔkɔ lɛ Ujehofa ku otabɔ duu. (Ufíl. 4:6) Ó gē ta uwɔ abɔ. (Aíjē 94:17-19; Ayis. 41:10) Leyi yɛ ocabɔ ku Steing.
Lɛ UVIDIO nyā mafu: Ujehofa Lɛ Ɛlá Wu Um. Cɛɛ a lɛ ɔka nōo ba nyā da ayinɛ a kahinii:
• Ɔgba ku Ubáyíbu nyá ta u Steing abɔ a, ɔdi kē ya a?
• Ɛgɛnyá nɛ Ujehofa lɛ ɛlá wu ɔ a?
Adā mla ɛ́nɛ́, aa lɔfu ta ayipɛ ɔlɛ aa abɔ ya ɔtoplico lé ŋma lɛ ō jahɔ ta uwa lɔɔlɔhi, mafu ihɔtu lɛ uwa ku a klla ta uwa abɔ jé ka Ujehofa yihɔtu uwa. (Utáy. 2:4; Ujɛ́m. 1:19) Gblo ce Ujehofa kóō je ɔtoole mla ɔfu iyē nɛ a cɛgbá nu a gā uwɔ ō bi le ta ayipɛ ɔlɛ uwɔ abɔ a.
Alɔ i lɔfu jé eko nɛ ɔcɛ éyi ipu ujɔ yɔ i nya mla ɔtoplico amāŋ jé ɛgɛ nɛ ɔtu yɔ i ya ɔ lɛ ŋ. Naana kpɔ a, alɔ lɔfu tabɔ ŋma lɛ ō ya ku ɛjɛɛji ācɛ nōo yɔ ipu ujɔ a kéē má ku alɔ yihɔtu uwa.—Aíit. 12:25; Uhíb. 10:24.
8. Ubáyíbu Oklɔcɛ Ku Ujɔ
(uminiti 30) bt ɛyi 16 ¶6-9, ikpati nōo yɔ upeji 132