Ujehofa ta ācɛ Isrɛlu ku ikee nōo wɛ ācɛ ogbɛha a abɔ. Ɔwɛ ōhī nyá nɛ ó gē je otabɔ lɛ ācɛ ō gba ɔ ɛ̄gbā icɛ nōó má abɔ ŋ ma a?

• Ó nwu alɔ ɛgɛ nɛ alɔ géē yɔ i ya odee ku ije ɔwɛ okpaakpa.​—Ulúk. 12:15; 1 Utím. 6:6-8

• Ó ta uwa abɔ lɛyikwu ɛgɛ néē géē lɛ ojilima. ​—Ujób. 34:19

• Ó nwu uwa ɛgɛ néē géē ya uklɔ lɔfu klla habɔ auce obɔbi ō ya ta.​—Aíit. 14:23; 20:1; 2 Ukɔ́r. 7:1

• Ó lɛ uwa bi wa ipu ō piyatɔha ku Ācɛ O Yɛce Ukraist.​—Ujɔ́n. 13:35; 1 Ujɔ́n. 3:17, 18

• Ó je eyiyoce lɛ uwa.​—Aíjē 9:18; Ayis. 65:21-23

Ɛgɛ duuma nɛ āhɔ̄ ku alɔ lɔnɔ lɛ naana, alɔ i cika ō lɛ ɔtoplico ŋ. (Ayis. 30:15) Ujehofa géē ya ɛgbá ku alɔ abɔ alɔ yɔ i lɛ Ajɔɔcɛ ku nu a ta aflɛyi ipu oyeeyi ku alɔ a.​—Umát. 6:31-33.

LƐ UVIDIO NYĀ MAFU NŌO KAHINII: IHƆTU KU UWƆ KÓŌ HII MƐ GBOOGBOO Ŋ NAANA . . . NƐ A WƐ ƆCOGBƐHA​—CONGO, CƐƐ AA LƐ ƆKA NŌO BA NYĀ CILA:

• Ɛgɛnyá nɛ ayinɛ nōo lā piya ɛga néē gē ya ojileyi nɛhi a mafu ogbonɛnɛ lɛ ayinɛ nōo gā iyawu o ya ɛɛ kéē nyɔ gā ojileyi nɛhi a?

• Ɔdi nɛ uvidio nyā nwu alɔ lɛyikwu ihɔtu nɛ Ujehofa lɛ lɛ ācɛ ogbɛha a?

• Ɔdaŋ ku alɔ má abɔ amāŋ ku alɔ i má abɔ ŋ, ɛgɛnyá nɛ alɔ lɔfu gbla Ujehofa ya a?