ƐGƐ NƐ ĀCƐ O YƐCE UKRAIST GĒ LĀ OYEEYI
Aa Ya Odee Mla Acɛnya Nōo Dee Hila A Bɛɛka Ɛ́nɛ́ Aa, Ku Aa Klla Ya Mla Ayipɔnɔnya A Bɛɛka Ayinɛ Aa Nɔnya
Ubáyíbu da alɔ ku alɔ ya odee mla Ācɛ O Yɛce Ukraist nōo le hila ɛ ma bɛɛka ɛ́nɛ́ mla adā alɔ a, ku alɔ klla ya odee mla aɛdrɔ bɛɛka ayinɛ ipu ku alɔ a. (Jé 1 Utímōti 5:1, 2.) Ayinɛ nɔnyilɔ cika ō mafu ojilima lɛ ayinɛ nɔnya.
Ɔyinɛ nɔnyilɔ i cika ō he ija obɔbi amāŋ ya ɔdā duuma nōo géē ya ku ɔyinɛ nɔnya kóō hii dɔka ō yɔ mla ɔ gɛ ŋ. (Ujóbu 31:1) Ɔyinɛ nɔnyilɔ nɛ ó lɛ ɔnyā ɛ ŋ i cika ō pla ɔyinɛ nɔnya ŋma lɛ ō ya odee mla ɔ bɛɛka ó he ɔ ɔtu a ŋ.
Anyakwɔcɛ ku ujɔ cika ō mafu kéē lɛ ɛlá wu ayinɛ nɔnya nōo da uwa ɔwɛ ku ojilima kéē cɛgbá otabɔ lɛyikwu odee. Ayinɛ nɔnya nɛ anyakwɔcɛ ku ujɔ klla gē lɛ ɛlá wu uwa fiyɛ duu a wɛ ācɛ nōó lɛ ɔba nōo gē je ogbotu lɛ uwa ŋ ma.—Urút. 2:8, 9.
LƐ UVIDIO NYĀ MAFU NŌO KAHINII: MAFU IHƆTU NŌÓ GĒ MƐ GBOOGBOO Ŋ LƐ AYINƐ NŌO YƆ IPU UJƆ—ANYOKWU MƐMLA AYOKWU, CƐƐ AA LƐ ƆKA NŌO BA NYĀ CILA:
-
Ɛgɛnyá nɛ ujɔ a mafu ihɔtu nōó gē mɛ gboogboo ŋ lɛ ɔyinɛ nɔnya nōo lé ka u Myint a?
-
Ɛgɛnyá nɛ ihɔtu nɛ ujɔ a mafu a wɛ ijaali olɔhi lɛ ācɛ nōo lā ipɔlɛ ɔɔma a?
-
Ɛgɛnyá nɛ ihɔtu nɛ ujɔ a mafu a lɛ abɔ kwu ayi nɔnya ku Myint iyē a?
Ɔwɛ ōhī nyá nɛ a lɔfu mafu ku a lɛ ɛlá wu ayinɛ nɔnya ipu ujɔ ku uwɔ a?
