ƐGƐ NƐ ĀCƐ O YƐCE UKRAIST GĒ LĀ OYEEYI
Ō Yɔ I Kɛpɔ Klla “Yá Kú Ācɛ Kéē Mīyɛ Ɛlā Kú Ɔ̄kōolɔhi Ā Cɛ̄ Kpɔ́cíí”
Eko nɛ aolɛla ku ācɛ Isrɛlu yɔ i dɔka ō ci uwa ŋma ō lɛ agbliihɔ nɛhi a gwo igbɔha kpɔ a, ācɛ nōo yɔ i gwo agbliihɔ nɛhi a ya ɔdā duuma néē ya gla o ya ɛɛ kéē lɛ íkwu ɔɔma lɛ ō gɔbu yɔ i gwo ɔlɛ a. (Ɛ́sra 5:11-16) Ɔwɛ ekpo ɔɔma, Ācɛ Ō Yɛce Ukraist lɛ uklɔ ō yɔ i kɛpɔ klla ya ku ācɛ kéē yɔ i miyɛ olɛhɔ ku ɔkoolɔhi a cɛ kpɔcii. (Ufíl. 1:7) O ya ɛɛ ku ɛnyā kóō tɔɔtɛ a, é lɛ u Legal Department kwaajɛ ipu ɔlɛ ɔtahɛ ku ɛga ō yuklɔ ku alɔ ihayi ku 1936. Icɛ, Legal Department nōo yɔ Ɔlɛ Ɔtahɛ Ku Ɛga Ō Yuklɔ Ku Alɔ a gē ya ōmiya ku ayinɛ nōo géē kɛpɔ ku ɔkoolɔhi ipu oduudu ɛcɛ a. Ɛgɛnyá nɛ aya nyā je otabɔ lɛ uklɔ ku Ajɔɔcɛ a klla lɛ itene lɛ ācɛ ɔlɛ Ɔwɔico ɛ ma?
LƐ UVIDIO NYĀ MAFU NŌO KAHINII: Ō NYƆ GĀ JILA U LEGAL DEPARTMENT NŌO YƆ ƆLƐ ƆTAHƐ KU ƐGA Ō YUKLƆ KU ALƆ A MÁ, CƐƐ AA LƐ ƆKA NŌO BA NYĀ CILA:
-
Aunwalu ku ɛpɔ ō ka nyá nɛ Ācɛ Ocijali Ku Ujehofa má ɛ ma?
-
Aɛpɔ nyá nɛ alɔ kē yale ŋma inu ɛpɔ ɛ ma? Je ocabɔ
-
Ɔdi nɛ eyeeye ku alɔ lɔfu ya ō kɛpɔ klla “yá kú ācɛ kéē mīyɛ ɛlā kú ɔ̄kōolɔhi ā cɛ̄ kpɔ́cíí” a?
-
Imi ipu uwɛbsait ku alɔ nɛ alɔ lɔfu má ɛlā lɛyikwu ɛpɔ ō ka nōo yɔ i lɛ abɔ kwu ācɛ ɔlɛ Ɔwɔico mla iye ku Ācɛ Ocijali Ku Ujehofa néē kpo tu inu agba ohigbu ɔtu okpoce ku uwa a?
