Aɔdā nɛ a miya ō ya ipu ɛ̄gbā ō gba ku Ujehofa lɛ ō ya mla ɔdā duuma nɛ alɔ ceyitikwu lɔfu lɔfu o le ya o ya ɛɛ ku alɔ gba Ujehofa ɛ̄gbā tōōtɔ̄ɔ̄ klla ya ka ó gweeye. É gē ta alɔ abɔ ku alɔ je piya ācɛ ojikoko ipu ɛlā ku Ɔwɔico, eko mla ɔfu nɛ alɔ gē le taajɛ lɛ uwa a kē cika jɛ. (1 Utím. 4:15) Ɔdiya nɛ alɔ cika ō yɔ i leyi yɛ aɔdā nɛ alɔ miya ō ya eko doodu a? Ohigbu ku āhɔ̄ gē piyabɔ. Ɔdā nɛ alɔ miya ō ya ŋma igbihi i lɔfu tɔɔtɛ lɛ alɔ ō ya babanya gɛ ŋ. Amāŋ alɔ kwu ɔ i ya ɛ nɛ alɔ kē lɔfu miya ɔdā ɔhá ō ya gla.

Gbɔbu ɛ ku ihayi ku uklɔ ku ɔna ō ta ɔhá kóō gbɔɔ a, wɛ eko nōo lɔhi fiyɛ duu nɛ alɔ géē leyi yɔ ɔdā nɛ alɔ miya ō ya a. Aa lɔfu kɛla lɛyikwu ɛlā nyā eko ku ɛ̄gbā ō gba ku apɔlɛ, ka eyeeye ku ācɛ apɔlɛ a kéē miya ɔdā néē géē dɔka ō ya mla ɔdā nɛ apɔlɛ a géē dɔka ō ya duu.

Ɔdi wɛ ɔdā okpɔci nɛ a miya ō ya ipu aya ɛyɛɛyɛyi nyā? Ɛgɛnyá nɛ a kē yɔ i ya ōmiya o ya ɛɛ ku a lɛ uwa ya jila a?