ƐGƐ NƐ ĀCƐ O YƐCE UKRAIST GĒ LĀ OYEEYI
Gbla Ihɔtu Ku Ujehofa Nōó Gē Mɛ Gboogboo Ŋ Ma Ya
Ujehofa wɛ ɛnɛɛnɛ ocabɔ ku ihɔtu nōó gē mɛ gboogboo ŋ ma. (Aíjē 103:11) Ihɔtu nyā i wɛ ɛgɛ nɛ odee gē he ɔcɛ ɔtu eko kpii, nōó gē mɛ taajɛ fiya fiya ŋ. Ihɔtu nōó gē mɛ gboogboo ŋ ma lɛ ō ya mɛmla ō yɔ kwu ɔcɛ amāŋ odee gā ajaajɛ. Ujehofa mafu ɛdɔ ihɔtu nyā lɛ ācɛ Isrɛlu ɔwɛ alɛwa. Ó lɛ uwa hɛta ŋma ɔfiyɛ ipu ajɛ ku Ijipiti klla lɛ uwa bi wa Ajɛ Nōó Cokonu ō je lɛ uwa a. (Aíjē 105:42-44) Ó nuunu kwɛyi ācɛ ɔlɛ nu klla je ya uwa ɛhi igbalɛwa eko néē lɛ íne ku nu biya. (Aíjē 107:19, 20) Abɔ alɔ yɔ i “lɛ eyī yɛ ihɔtū nɛ̄ Óndú ī mafú eko dóódu ā,” ɛnyā géē lɛ abɔ kwu alɔ ɔtu ō gbla ɔ ya.— Aíjē 107:43.
LƐ UVIDIO NYĀ MAFU NŌO KAHINII: “LƐ EYĪ YƐ IHƆTŪ NƐ̄ ÓNDÚ Ī MAFÚ EKO DÓÓDU Ā,” CƐƐ AA LƐ ƆKA NŌO BA NYĀ CILA:
-
Ɔwɛ ɛgɛnyá nɛ alɔ géē mafu ihɔtu nōó gē mɛ gboogboo ŋ ma?
-
Ɔdiya nɛ alɔ cɛgbá ō leyi gwu aɔdā ōhī bonu, o ya ɛɛ ku alɔ mafu ihɔtu nōó gē mɛ gboogboo ŋ ma?
