ƆDIYA NŌÓ CƐGBÁ A: Ācɛ nōo gáā gā ɔkpanco a mla ācɛ nōo gáā yɔ ipu ɛcɛ a gē hi ācɛ igwú kéē gā “mīyɛ éŋkpɔ̄ nōo ī je oyēeyī ā alahá.” (Mafú. 22:17) Enkpɔ nyā kwɛyi ɛjɛɛji ɔdā nɛ Ujehofa ya o ya kóō lɛ ācɛ nōo lɛyi taajɛ lɛ ɔ a hɛta ŋma íne ō biya mla ikwū. O ya ku alɔ ta ācɛ nōo ŋma uculo mɛmla ɛ̄gbā ō gbā ɛyɛɛyɛyi abɔ, alɔ cɛgbá ō da uwa “ɔ̄kōolɔhi nōo ī mɛ ŋ́ mā” ɔwɛ nōo géē lɛ abɔ kwu ɔnyɔɔnyɛ ku uwa ɔtu.—Mafú. 14:6.

ƐGƐ NƐ A GÉĒ YA Ɔ A:

• Je ikpɛyi ɛlā mla ɛga ku Ubáyíbu nōo géē lɛ abɔ kwu ācɛ nōo yɔ ɛga nɛ aa gē tɔɔna a ɔtu. A lɔfu yuklɔ mla ocabɔ ku ɔka o ka amāŋ yuklɔ mla ɔwɛ éyi nɛ a gē kɛla nōo gē lɛ abɔ kwu ācɛ ɔtu. Aikpɛyi ɛlā mla ɛga ku Ubáyíbu nyá gē lɛ abɔ kwu ācɛ ɔtu fiyɛ a? Ó lɛ ɔdā duuma nōo ya nóō gboji ŋ nɛ ācɛ yɔ i kɛla lɛyikwɔ ɔ? Ɔdi géē lɛ abɔ kwu ɔcɛnyilɔ amāŋ ɔcɛnya ɔtu a?

• Hɛ okonu tu ācɛ a ku a klla bi uculo nɛ ācɛ nōo lā ɔwɛ ɛga nɛ a lā a jé a le yuklɔ.—2 Ukɔ́r. 6:3, 4

• Lɛ aɔkpá mla auvidio nōo yɔ ipu Aɔdā Nɛ Alɔ Gē Bi Le Ya Oklɔcɛ Mla Ācɛ a jé lɔɔlɔhi. Ɛnyā géē ya ku alɔ bi uwa yuklɔ eko duuma nɛ ācɛ dɔka ō jahɔ

• Danlod auvidio, aɔkɛla ogwotu mla aɔdā ɔhá ipu uce ku ācɛ nɛ a lɔfu má ɛga nɛ aa gē tɔɔna a

• Lɛ ikpɛyi ɛlā nɛ a yɔ i kɛla lɛyikwɔ a tuya kóō lɛ abɔ kwu ɛ̄gbā ku ondu ɔlɛ a. (1 Ukɔ́r. 9:19-23) Ocabɔ mafu, ɔdi nɛ a lɔfu ka ɔdaŋ ku a gáā le jé ka ó gboji nɛ ikwū ŋmo ce ondu ɔlɛ a ŋ?

AA LƐ UVIDIO A MÁ, CƐƐ, AA LƐ AƆKA NŌO YƆ ƐHAAJƐ A CILA:

• Ikpɛyi ɛlā nyá nɛ ɔcɛ o tɔɔna a gbɔɔ o kɔka mla ondu ɔlɛ a lɛyikwɔ a?

• Ɔdi yɔ i ya ipu oyeeyi ku ondu ɔlɛ a?

• Ipu ahɔ nyā, ɛga ku Ubáyíbu nyá cika lɛ ondu ɔlɛ a fiyɛ a, ɔdi kē ya a?

• Ɛgɛnyá nɛ a gē piya ɛlā nɛ a yɔ i ka a abɔ, o ya kóō lɛ abɔ kwu ɔtu ku ācɛ nōo lā ɛga nɛ aa gē tɔɔna a?