Ihayi ku uwɔ yɔ ipu ihayi 23 gā 65 nɛ a klla yɔ i yuklɔ lɛ Ujehofa eko doodu? A lɔfu iyē lɔɔlɔhi klla géē lɔfu yuklɔ ɛga duuma nɛ ɛgbá nɛhi yɔ gla a? Ɔdaŋ ka ohi ku uwɔ lɛ aɔka nōo ba nyā wɛ u ii, a gbɛla lɛyikwu ō nyɔ gā Inɔkpa Ku Ācɛ O Tɔɔna Ku Ajɔɔcɛ Ku Ɔwɔico a ɛ? Ŋmifi nɛ ācɛ aflɛyi ku inɔkpa nyā ya mɛ a, utajan alɛwa ku ɔba mla ɔnyā, ayinɛ nɔnyilɔ mla ayinɛ nɔnya nōó lɛ ɔba amāŋ ɔnyā ɛ ŋ ma je iyi uwa tɛɛcɛ ku inɔkpa nyā duu ɛ. Naana kpɔ a, alɔ cɛgbá ayinɛ nɔnyilɔ nɛ ó lɛ ɔnyā ɛ ŋ kéē je iyi uwa tɛɛcɛ. Da Ujehofa ka ó ta uwɔ abɔ ku ɔtu nɛ a lɛ ō ya ɔdā nōo he ɔ ɔtu a kóō yɔ i nwune tōōtɔ̄ɔ̄, ku a klla gbla Ɔyi nu ya. (Aíjē 40:8; Umát. 20:28; Uhíb. 10:7) Ceyitikwu ku a má ɛgɛ nɛ a géē kwu ɛlá ku uwɔ i ŋma aodee bɛɛka inɔkpa nɛhi, uklɔ néē géē gba ije gā uwɔ amāŋ aɔdā nɛ a gē jɔɔnyɛ ō ya a, o ya ɛɛ kóō tɔɔtɛ gā uwɔ ō gā inɔkpa ku SKE a.

Ɛga ku uklɔ ɛyɛɛyɛyi nyá yɔ lɛ ācɛ nōo bɛɛcɛ ŋma inɔkpa ku SKE a? É gē ta ācɛ ōhī ku uwa nōo bɛɛcɛ a ɛhɔ kē nyɔ gā yuklɔ ɛga néē gē ka uce ɔhá amāŋ special metropolitan public witnessing. Ōhī ku uwa lɔfu je piya ɔcɛ ō yuklɔ kwɛyi ɔcɛ ō leyi kwu usɛkut, ɔcɛ ō leyi kwu usɛkut, amāŋ ɔcɛ ō tɔɔna ipu éwo ɔhá. Abɔ a yɔ i gbɛla tu aɔdā nɛ a géē lɔfu ya ipu ɛ̄gbā ō gba ku Ujehofa a, lɛ uce o ya ku ɔcomɛɛbɛ Ayisaya nōo kahinii: “Ami yɔ̄ á, tū um ɛhɔ̄ mɛ́ɛnɛ!”—Ayis. 6:8.

LƐ UVIDIO NYĀ MAFU NŌO KAHINII: ĀCƐ Ō TƆƆNA IPU ÉWO ƆHÁ—ĀCƐ Ō YUKLƆ KU ƆNA Ō TA, CƐƐ AA LƐ ƆKA NŌO BA NYĀ CILA:

• Ɛgɛnyá néē gē fu ācɛ nōo géē wɛ ācɛ ō tɔɔna ipu éwo ɔhá a?

• Uklɔ olɔhi nyá nɛ ācɛ ō tɔɔna ipu éwo ɔhá yɔ i ya a?

• Aɔhā nyā gē wa ŋma ō yuklɔ ku ɔcɛ ō tɔɔna ipu éwo ɔhá a?