ƐGƐ NƐ ĀCƐ O YƐCE UKRAIST GĒ LĀ OYEEYI
Ihɔtu Néē I Bi Le Jé Ācɛ Ō Yɛce Ukraist Ɔkwɛyi A—A Bēē lɛ Ɛlá Wu Iyi Uwɔ Foofunu ŋ, A Klla Bēē Cɔnu Nɛhi ŋ
ƆDIYA NŌÓ CƐGBÁ A: Ujisɔsi nwu ku ihɔtu néē gáā bi le jé ayikpo ku nu a. (Ujɔ́ 13:34, 35) Ɔdaŋ ku alɔ dɔka mafu ɛdɔ ihɔtu nɛ Ukraist lɛ a, alɔ géē lɛ ɛlá wu ācɛ piii, klla ya ku alɔ kóō bēē cɔnu fiya ŋ.—1Ukɔ́ 13:5.
ƐGƐ NƐ A GÉĒ YA Ɔ A:
-
Eko duuma nɛ ɔcɛ lɛ ɔdā icɔnu ya uwɔ, gbeyi yɛɛ, ku a gbɛla kwu ɔdā nōo bi unwalu ɔɔma waajɛ a, mla ɔdā nōo géē bɛcɛ ŋma ɔdā nɛ a miya ō ya a.—Aíi 19:11
-
Bla ku ɛjɛɛji alɔ i jila iyē ŋ. Ekoohi, alɔ gē kɛla amāŋ ya ɔdā nɛ alɔ gē hiijema ku nu igbihaajɛ
-
Lɛ unwalu duuma kagwo fiya
AA MÁ UVIDIO NYĀ NŌO KAHINII “AA YIHƆTU TU IYI AA”—A BĒĒ LƐ ƐLÁ WU IYI UWƆ FOOFUNU Ŋ, A KLLA BĒĒ CƆNU NƐHI Ŋ. ƆDAŊ KU AA LƐ Ɔ MÁ MƐ, AA CILA AƆKA NŌO BANYA:
-
Ɛgɛnyá nɛ Ulari cɔnu fiyɛ ɔfu ohigbu ɔdā nɛ Utɔm da ɔ a?
-
Ɛgɛnyá nōo gbeyi yɛɛ kóō gbɛla a tu Utɔm abɔ kóō hii cɔnu nɛhi ŋ ma?
-
Ɛgɛnyá nɛ ohi ku Utɔm ya ku unwalu a kóō mɛ a?
Ɛgɛnyá nɛ ujɔ a gē lɛ itene ɔdaŋ ku alɔ gē kwu iyi alɔ bi ŋma ō cɔnu nɛhi a?
