ƐGƐ NƐ ĀCƐ O YƐCE UKRAIST GĒ LĀ OYEEYI
Ihɔtu Néē I Bi Le Jé Ācɛ Ō Yɛce Ukraist Ɔkwɛyi A—A Cɛ Lɛ Opiyatɔha Nōo Yɔ Ipu Ujɔ A Kóō Je Fiyakata Ŋ
ƆDIYA NŌÓ CƐGBÁ A: Otu gbɔbu ɛɛ ku Ujisɔsi kóō kwū a, ó gbɔɔkɔ lɛ Ɔwɔico kóō ya ka ayikpo ku nu “kéē le pīya . . . ékpó.” (Ujɔ́ 17:23) Ɔdaŋ ku alɔ dɔka ku opiyatɔha kóō yɔ ipu ujɔ, alɔ cika ō mafu ihɔtu lɛ ayinɛ alɔ, ɛdɔ ihɔtu nōo géē ya ku a hii “blakwu ɔdōōbɔ̄bí [néē] yá uwɔ ā ŋ́.”—1Ukɔ́ 13:5.
ƐGƐ NƐ A GÉĒ YA Ɔ A:
-
Bēē má uce olɔhi ku ācɛ ɔhá ɛgɛnɛUjehofa gē ya a
-
Bēē je yɛhi ŋma ɔtu
-
Ɔdaŋ ku a awɔ mla ɔcɛ lɛ unwalu ku aa ka gwo, a hii kɛla lɛyikwu unwalu ɔɔma gɛ ŋ.—Aíi 17:9
AA MÁ UVIDIO NYĀ NŌO KAHINII “AA YIIHƆTU TU IYI AA”—A HII BĒĒ BLAKWU ƆDOOBƆBI NÉĒ YA UWƆ A Ŋ. ƆDAŊ KU AA LƐ Ɔ MÁ MƐ, AA CILA AƆKA NŌO BANYA:
-
Ipu aya aflɛyi ku uvidio a, ɛgɛnyá nɛ Uhɛlin mafu ka ó gē ‘blakwu ɔdōōbɔ̄bí néē yá ɔ ā’?
-
Ipu aya ɔmpa ku uvidio a, ɛgɛnyá nɛ Uhɛlin lɛ ɔwɛ ɛgɛnɛ ó gē gbɛla a piyabɔ klla gáā mafu ka ó lɛ ohilipu olɔhi a?
-
Igbihaajɛ a, ɛgɛnya nɛ Uhɛlin ya ku opiyatɔha kóō yɔ ipu ujɔ a?