ƐGƐ NƐ ĀCƐ O YƐCE UKRAIST GĒ LĀ OYEEYI
Ɛma Nɛ A Lɛ Mla Ujehofa A Kóō Jɛ Uwɔ Eyī
Ācɛ Ocijali ku Ujehofa lɛ ɛnɛɛnɛ ɛga. Abɔ alɔ lɛ iyi alɔ gwɛɛya lɛ Ujehofa klla lɛ ubatisim ya ɛ ma, alɔ gē ceyitikwu ku alɔ lɛ ɛma olɔfu mla Ujehofa. O bu ipu Ujisɔsi, ó lɛ alɔ pi wa ɛgiyi nu. (Ujɔ́n. 6:44) Ó gē po ɔkɔ ō gba ku alɔ.—Aíjē 34:15.
Ɛgɛnyá nɛ alɔ gáā gbo ɛma nɛ alɔ lɛ mla Ujehofa a tu a? Alɔ hii ya ɔdobɔbi nɛ ācɛ Isrɛlu ya a ŋ. Igbihi néē lɛ ɛka gbo mla Ujehofa a, é gáā lɛ ojibo ku ɛna ya lɛ iyi uwa, anu é gbɔɔ ō gba ɔwɔ ɔhá ɛ̄gbā a. (Oyɛb. 32:7, 8; 1 Ukɔ́r. 10:7, 11, 14) Alɔ lɔfu da iyi alɔ ɔka kahinii: ‘Eko nɛ ojama yɔ iyɔbu ku um, n gē gwonu ta ipu ukpa a? Uce o ya ku um gē mafu ka ɛma nɛ um lɛ mla Ujehofa a jɛ um eyī?’ Ihɔtu nɛ alɔ lɛ lɛ Ujehofa a géē ta alɔ abɔ kwu ŋma ɛgiyi aɔdā nōo gē wu ɔ ɔtu.—Aíjē 97:10.
LƐ UVIDIO NYĀ MAFU NŌO KAHINII GBO ƐMA NƐ A LƐ MLA UJEHOFA A TU (UKÓL. 3:5), CƐƐ AA LƐ ƆKA NŌO BA NYĀ CILA:
-
Ɔdi wɛ eyī o kwu ɔdā a?
-
Ɔdiya nɛ alɔ cika ō habɔ eyī o kwu ɔdā mla ɛ̄gbā ō gba aɔwɔ ɛkɛmgbɛ ta a?
-
Ɛgɛnyá nɛ ikpo ɔnyā ɔhá o ce mla aja ō gbo tɛɛma kwu ɛ̄gbā ō gba aɔwɔ ɛkɛmgbɛ a?
-
Ɔdiya ɛɛ nɛ ācɛ nōo lɛ ɛga o yuklɔ lɛ ɔwa nyā cika ō teyi kwu ɛgbá ku ɔba amāŋ ɔnyā uwa a?
