Ayinɛ nɔnya gē je ɛnɛɛnɛ otabɔ lɛ uklɔ ku Ajɔɔcɛ a. (Aíjē 68:11) É gē ya ɛyinɛhi ku oklɔcɛ ku Ubáyíbu néē gē ya mla ācɛ ɔlɛ a. Ɛyinɛhi ku ācɛ ō gbɔbu ɔna ō ta eko doodu a wɛ acɛnya. Aluka nɛhi ku ayinɛ nɔnya nōo gē yuklɔ lɔfu lɔfu a gē yuklɔ ku Ubɛtɛlu, ācɛ ō tɔɔna ipu éwo ɔhá, ācɛ ō je iyi uwa tɛɛcɛ ku ɔlɛ ō gwo mla uklɔ ku ɔkpá ō cɔwɔ. Ayinɛ nɔnya nōo le jikoko ipu ɛlā ku Ɔwɔico gē ya ku apɔlɛ ku uwa mla ujɔ kóō lɔfu iyē tōōtɔ̄ɔ̄. (Aíit. 14:1) Naana nɛ ayinɛ nɔnya i gē wɛ anyakwɔcɛ ku ujɔ amāŋ ācɛ ō ta anyakwɔcɛ ku ujɔ abɔ ŋ ma a, é lɔfu lɛ ōmiya ya taajɛ lɛ iyi uwa ku ɔdā néē dɔka ō ceyitkwu le faajɛ nu ipu ujɔ. Ɔdaŋ ku a wɛ ɔyinɛ nɔnya, ɔwɛ ōhī nyá nɛ a lɔfu yuklɔ nwune tōōtɔ̄ɔ̄ lɛ Ujehofa a?

• Ceyitikwu ku a lɛ auce ō ya nɛ Ɔcɛ O Yɛce Ukraist cika ō lɛ a lɛ.​—1 Utím. 3:11; 1 Upít. 3:3-6

• Je otabɔ lɛ ayinɛ nɔnya nōo yɔ ipu ujɔ nōó jikoko ipu ɛlā Ɔwɔico ɛ ŋ. ​—Utáy. 2:3-5

• Ceyitikwu ku a lɛ eko taajɛ nwune tōōtɔ̄ɔ̄ ku uklɔ ku ɔna ō ta klla ya lɔhi fiyɛ

• Nwu uce ɔhá

• Nyɔ gā ɛga nɛ ɛgbá yɔ

• Lɛ abɔ tu ɔkpá ō yuklɔ Ubɛtɛlu amāŋ ō tabɔ ipu uklɔ ku ɔlɛ ō gwo ipu ɔwa ku alɔ

• Lɛ abɔ tu ɔkpá ō nyɔ gā Inɔkpa Ku Ācɛ O Tɔɔna Ku Ajɔɔcɛ Ku Ɔwɔico

LƐ UVIDIO NYĀ MAFU NŌO KAHINII: ‘ACƐNYA NĒE I YUKLƆ LƐ ONDU A’ CƐƐ AA LƐ ƆKA NYĀ CILA:

• Ɛgɛnyá nɛ ɛlā nɛ eyeeye ku ayinɛ nɔnya ka a ta uwɔ ɔtu kwu ɔtu a?