ƐGƐ NƐ ĀCƐ O YƐCE UKRAIST GĒ LĀ OYEEYI
“Bēē nwula Abɔ”
Ujisɔsi lɛ ɔ ta alɔ eyī peee ka ɔdaŋ ku alɔ wɛ ācɛ nōo gē nwula abɔ ó géē ya ka ācɛ ɔhá kóō bēē nwula abɔ duu. (Ulúk. 6:38) Ɔdaŋ ku a wɛ ɔcɛ nōo ḡe nwula abɔ, ó géē ya ku ayinɛ uwɔ nɔnyilɔ mla ayinɛ uwɔ nɔnya kéē wɛ ācɛ ogbonɛnɛ mla ācɛ nōo gē nwula abɔ duu.
Ɛhi ō je ŋma ɔtu wɛ ipu aya ku ɛ̄gbā ō gba ku alɔ lɛ Ujehofa. Ujehofa gē má ācɛ nōo gē nwula abɔ nōo klla gē je otabɔ lɛ Ācɛ O Yɛce Ukraist ɔmpa uwa nōo cɛgbá otabɔ a. Ó kē cokonu ka anuɔ géē cila uwa ule nu.—Aíit. 19:17.
LƐ UVIDIO NYĀ MAFU NŌO KAHINII: ALƆ GWEEYE OHIGBU ƐGƐ NƐ A GĒ NWULA ABƆ A, CƐƐ AA LƐ ƆKA NŌO BA NYĀ CILA:
-
Ɛgɛnyá néē gē bi ɛhi nɛ a gē je a le je otabɔ lɛ ayinɛ alɔ nɔnyilɔ mla ayinɛ alɔ nɔnya a?
-
Ɔdaŋ ku ɛhi ku uwɔ le nwune amāŋ kōō lɛ ligii naana, ɔdiya nɛ a cika ō gbɔbu yɔ i je ɛhi a? —Má ikpɛyi ɛlā nyā ipu jw.org nōo kahinii: “Surplus Offsets a Deficiency.”
