ƐGƐ NƐ ĀCƐ O YƐCE UKRAIST GĒ LĀ OYEEYI
Ujehofa Jé Ɔdā Nɛ Alɔ Cɛgbá Nu A
Ɔcocɛhɔ néē cika ō lɛ ɔtu ce ɔ nōo jeeyi a gē je ɔdole lɛ alɔ ‘ta eko.’ Ɛnyā mafu ka Ujehofa nōo yɔ i mafu ɔwɛ lɛ ɔcocɛhɔ nyā a, jé ɔdā nɛ alɔ cɛgbá ipu ɛ̄gbā nɛ alɔ yɔ i gba ɔ a. (Umát. 24:45) Ojileyi nɛhi ku alɔ mla ōjila ku ɔtahɛ alaadi wɛ ipu aɔdā ɛyɛɛyɛyi nōo mafu ka Ujehofa yɔ i ya ɛnyā ɔkwɔɔkwɛyi.
AA LƐ UVIDIO NYĀ MÁ NŌO KAHINII ƆKA LƐYIKWU UKLƆ NƐ U TEACHING COMMITTEE YA IHAYI KU 2017, CƐƐ, AA LƐ AƆKA NŌO YƆ ƐHAAJƐ A CILA:
-
Ɔnyɛ nɛ alɔ cika ō je owoofu lɛ ɔ ku ojileyi nɛhi nɛ alɔ gē jɔɔnyɛ nu teeko a, ɔdi kē ya a?
-
Eko nyá néē gē gbɔɔ o yuklɔ lɛyikwu ojileyi nɛhi ŋma a?
-
Ɛgɛnyá néē gē je aikpɛyi ɛlā ku ojileyi nɛhi a?
-
Ɛdɔ uklɔ nyá néē gē ya eko néē gē ya otutu ku ojileyi nɛhi a?
-
Ɛgɛnyá néē bi ɔwɛ néē gē nwu ācɛ Ugilɛdi kéē le klɔcɛ a, le ta ɔkpá uklɔ nɛ alɔ gē le ya oklɔcɛ ipu ōjila ku otahɛ alaadi a?
-
Ɛgɛnyá nɛ aya ɛyɛɛyɛyi ku abɔ ku ɛga o yuklɔ ku alɔ, gē yuklɔ tɔha o ya ɛɛ kéē lɛ ɔkpá uklɔ ku ōjila tutu a?
Ɛgɛnyá nɛ ɔtu ya uwɔ lɛyikwu ɛjɛɛji ɔdā nɛ Ujehofa gē je lɛ alɔ o ya ɛɛ ku ɔtu okpoce ku alɔ kóō lɔfu a?
