Ācɛ O Yɛce Ukraist nōo dɔka ō lɛ iyi uwa, lɛ ɔdā alɛwa ō miya lɛyikwu ɛgɛ néē gáā lɛ iyi uwa a. Abɔ é yɔ i má ācɛ nōo yɔ ɛga néē lā a, yɔ i ŋmo ije nɛhi tu mɛɛlɛ mɛɛlɛ ku uwa a, ó lɔfu gbɔɔ ō ŋma uwa unwu ō ya lɛ a duu. Aoklobiya mla ancɛnya olɔhi mɛmla apɔlɛ ku ācɛ nōo gáā lɛ iyi uwa a, lɔfu da uwa kéē ya u mɛɛlɛ mɛɛlɛ a ɔwɛ éyi amāŋ ɔwɛ ɔhá. Aukɔ́ ku Ubáyíbu nyá gáā ta ācɛ nōo gáā lɛ iyi uwa abɔ, kéē lɛ ɛ̄cī néē gáā lɛ iyi uwa a miya ɔwɛ nɛ oŋmɛyi ku nu, ɔtu ku uwa í gáā ŋmo uwa ɛpɔbi ŋ, néē klla gáā hijema ŋ ma?

AA LƐ UVIDIO NYĀ MÁ NŌO KAHINII, ƆBA AMĀŊ ƆNYĀ Ō LƐ NŌO GĒ MAFU OJILIMA LƐ UJEHOFA, CƐƐ, AA LƐ AƆKA NŌO YƆ ƐHAAJƐ A CILA:

• Ɛgɛnyá nɛ aukɔ́ ku Ubáyíbu nōo yɔ ɛhaajɛ a ta Unick mla Ujuliana abɔ a?

  • 1 Ukɔ́r. 10:31

  • 1 Ujɔ́n. 2:15, 16

  • Ugal. 5:19-21

  • 1 Utím. 2:9

• Ɔdiya nɛ ācɛ nōo gáā lɛ iyi uwa a cika ō fu ɔyinɛ nɔnyilɔ ojikoko nōo wɛ Ɔcɛ O Yɛce Ukraist kóō wɛ “otrɛ̄yí kú ucɛ ā”?—Ujɔ́n. 2:9, 10.

• Ɔdi wɛ ɔdā ōhī nōo ya ɛɛ nɛ Unick mla Ujuliana miya abɔyi uwa ō ya umɛɛlɛ mɛɛlɛ ɛgɛ néē ya a?

• Ɔnyɛ lɛ íkwu ofiyɛ duu o miya amāŋ ka ɔdā nōo géē ya eko ku ucɛ mɛmla uculo ku ɔba mla ɔnyā o lɛ a?—w06 10/15 25 ¶10.