ƆDIYA NŌÓ CƐGBÁ A: Ō tɔɔna mla ɔdā ō le gwo uwaya wɛ ɛnɛɛnɛ ɔwɛ nɛ alɔ gē bi le “tɔɔna ku Ɔkoolɔhi” a. (Ācot. 20: 24) * Ó gē ta alɔ abɔ tɔɔna lɛ ācɛ eko duuma nɛ āhɔ̄ ku alɔ i jɛga lɛ alɔ ō nyɔ i má ācɛ abɔyi alɔ ŋ.

ƐGƐ NƐ A GÉĒ YƆ A:

• Le otutu ya. Je ikpɛyi ɛlā nōo gē lɛ abɔ kwu ācɛ ɔtu. Lɛ ɛlā nɛ a dɔka ō ka a ta taajɛ. Ó géē lɔhi fiyɛ ɔdaŋ ku a yaajɛ klla bi ɔkpá nɛ a ta ɔkpá ta ɔ a mla iyi uwɔ mla aɔdā ɔhá nɛ a cɛgbá nu a lɛbɛɛka JW Library^® amāŋ jw.org^®

• Ɔtu ku uwɔ kóō gbonɛɛ. Kɛla ɔwɛ nɛ a gē kɛla. Yɛhɛ klla ya iyē bɛɛka ɔcɛ ɔɔma yɔ i má uwɔ a. A hiii lɛ abɔ ci ɛlā ō ka iciici ŋ. Ó géē wɛ ɔdā ijeeyi ō yuklɔ tɔha mla ɔcɛ ɔhá. Ɔdaŋ ka ondu ɔlɛ a lɛ ɔka da, lɛ ɔka a da abɔyi uwɔ kpɔ o ya ɛɛ ku ɔcɛ nɛ a yɔ i yuklɔ mla ɔ a kóō ta uwɔ abɔ dɔka ohi a

• Kɛla nōo géē ya ku a cigbihi nyɔ. Ɔdaŋ ka ɔcɛ a mafu ka ɛlā nɛ a da ɔ a he ɔ ɔtu, a lɔfu lɛ ɔka éyi taajɛ nɛ a géē cila igbɔha o bu ipu ɔdā ō le gwo uwaya. A lɔfu je ɔkpá lɛ ɔcɛ o bu e-mail, ō bi nyɔ abɔyi uwɔ, amāŋ ō ta ɔkpá éyi ɛhɔ fu ɔ. A lɔfu tu e-mail, uvidio amāŋ ikpɛyi ɛlā ɛhɔ fu ɔcɛ a.