Gbɔbu lɛ ɛ̄cī ku ucɛ ku ondu a ipu ihayi 32 eko ku Ukraist a, Ujisɔsi lɛ uklɔ idaago éyi ya, néē ta foofunu ipu ɔkpá ku Umátiyu, Umárk, Ulúku mla ɔkpá ku Ujɔ́ni.

O ŋma lɛ uklɔ idaago ɔɔma nɛ Ujisɔsi ya a, ó yɔ i mafu ɔwɛ ɛgɛ nōó géē je ɔdole lɛ ɛwa ku ācɛ eko ku alɔ nyā o bu ipu abɔ ku ācɛ nōó nwune ŋ.

14:16-21

• Ujisɔsi da ayikpo ku nu kéē je ɔdole lɛ ɛwa nɛhi ku ācɛ a, naana nɛ ɔdole nɛ ayikpo ku nu bi a wɛ igbo ɛhɔ mla ɛbeenyi ɛpa foofunu

• Ujisɔsi kwu igbo mɛmla ɛbeenyi a u anu nōó lɛ ɔkɔ gba a, abɔ o lɛ ɔkɔ gba mɛ a, o kwu ɔdole a u lɛ ayikpo ku nu kéē lɛ ɔ kɔ lɛ ɛwa nɛhi ku ācɛ a

• Ujisɔsi gáā lɛ uklɔ idaago ya, ɔdolɛ a gáā kwu nwune nōo géē jɛ ɛwa ku ācɛ a klla géē hile kpɔ. Ó bi ɔwɛ idaago nyā le je ɔdole lɛ ɛwa nɛhi ku ācɛ o bu ipu abɔ ku ayikpo ku nu nōó nwune ŋ ma

• JƐpleeko amoomɛ nyā a, Ujisɔsi ka ó géē lɛ ɔwɛ éyi taajɛ nōó géē yɔ i je “ɔdōlé” ku ɛlā Ɔwɔico lɛ alɔ ‘teko’​—Umt 24:45

• Ipu ihayi 1919, Ujisɔsi lɛ igwu ligii ku ayinɛ alɔ nɔnyilɔ néē hi uwa ku “ɔ̄cocɛ̄hɔ̄ nēé cíkā ō lɛ ɔtū ce ɔ́, nōo jéeyi” a fu ŋma ipu ācɛ néē lɛ anɔ tu uwa ɛyi a kéē leyikwu, “ācɛ ɔlɛ́ nū”.

• O bu ipu igwu ligii ku ayinɛ alɔ nɔnyilɔ néē lɛ anɔ tu uwa ɛyi nyā a, Ujisɔsi yɔ i yɛce ikpa nōo je taajɛ eko igble a

Ɛgɛnyá nɛ um gáā mafu ku um jé klla lɛ ojilima ce ɔwɛ nɛ Ujisɔsi yɔ i bi le je ɔdole ku ɛlā ɔwɔico lɛ ācɛ a?