ƐGƐ NƐ ĀCƐ O YƐCE UKRAIST GĒ LĀ OYEEYI
Alɔ Gē Lɔtū Lé I Gbeyi Nu
Ihayi ɛmula nɛ a humayi gbeyi ku Ajɔɔcɛ ku Ɔwɔico kóō wa a? A humayi lɔtulé yɔ i gbeyi cii naana nɛ a yɔ i má owe alɛwa nɛɛ? (Uró 8:25) É gē wɔtu ayinɛ alɔ ōhī, gē miya uwa owe, gē lɛ uwa ta inu agba, é kóō i bi ikwū le tu uwa ufi duu. Alɛwa kē i lɔtu ojama bɛɛka ōcē obɔbi nɛhi nōo gē ya uwa amāŋ ō hilokplici.
Ɔdi gáā ta alɔ abɔ ku alɔ lɔtulé i gbeyi ipu ojama duuma a? Alɔ cika ō ya ku ɔtu okpoce ku alɔ kóō yɔ i lɔfu tōōtɔ̄ɔ̄ ŋma lɛ ō yɔ i jé Ubáyíbu ɛ̄cī doodu mɛmla ō yɔ i gbɛla tu ɔdā nɛ alɔ jé a lɔɔlɔhi. Alɔ cika ō lɛ ɔtu ku alɔ kwu ɔdā nɛ alɔ leyice a piii. (2Ukɔ́ 4:16-18; Uhí 12:2) Ó wɛ ō piii ku alɔ géē ba Ujehofa ipu ɔkɔ ō gba kóō je ɔfu ku Alelekwu Ihɔ ku nu lɛ alɔ. (Ulú 11:10, 13; Uhí 5:7) Adā alɔ Ujehofa nōo yihɔtu alɔ lɔfu ta alɔ abɔ ku alɔ “lɔfú gbeyīcíí, lɔtūlé klla . . . gwéeyē.”—Ukó 1:11.
AA MÁ UVIDIO NYĀ NŌO KAHINII: ALƆ CIKA O “KWINYA MLA ƆTOOLE”—LƐ ƆTUCE KU A GÉĒ MIYƐ ULE A. ƆDAŊ KU AA LƐ Ɔ MÁ MƐ, AA CILA AƆKA NŌO BANYA:
-
Ɔdi wɛ “iyɔ̄nɔ” amāŋ ɔdā acigili nōo lɔfu ya ipu oyeeyi ku alɔ a? (Ɔ̄co 9:11)
-
Eko duuma nɛ alɔ gē má ojama, ɛgɛnyá nɛ ɔkɔ ō gba lɔfu ta alɔ abɔ?
-
Ɔdiya nɛ alɔ cika ō lɛ ɔtu kwu ɔdā nɛ alɔ lɔfu ya gla, ɔdaŋ ku alɔ i gē ya nwune ipu ɛ̄gbā ō gba ku Ujehofa bɛɛka otɛtɛ a gɛ ŋ ma?
-
Lɛ eyī ku uwɔ kwu ule nɛ a gáā miyɛ a
Ɔdi gē ta uwɔ abɔ ku a lɔtuce ku a géē miyɛ ule a?
