Ipu ɛjɛɛji ɔdā nɛ alɔ gē ya, alɔ tine ō ya ɔdā nōo he Ujehofa ɔtu. (Aíit. 27:11) O ya ɛɛ ku alɔ ya ɛnyā, alɔ cika ō ya ōmiya nōo géē mafu ku alɔ gē gbɛla ɛgɛ nɛ Ujehofa gē gbɛla a, naana nɛ íne duuma i kóō yɔ nōo géē gbo alɔ ipu ɛlā ɔɔma piii ŋ ma a. Ɔdi lɔfu ta alɔ abɔ ku alɔ ya lɛ a?

Bēē ya oklɔcɛ ku Ubáyíbu ojigogo. Eko duuma nɛ alɔ yɔ i jé Ubáyíbu, ó lɛbɛɛka ku alɔ yɔ tɔha mla Ujehofa a. Alɔ lɔfu nwu ɛlā lɛyikwu ɔwɛ nɛ Ujehofa gē gbɛla a ŋma lɛ ō má ɛgɛ nɛ ó ya ɛlā mla ācɛ ɔlɛ nu lɛ a mla ō leyi yɛ ocabɔ mafu ku ācɛ nōo ya ɔdā olɔhi mla ɔdobɔbi ipeyi nu a. Eko duuma nɛ alɔ gáā je ɔdā ō ya, alelekwu ihɔ lɔfu ta alɔ ɛlá kwu ɛnɛɛnɛ aɛlā ō cɛgbá mla aukɔ́ ku Ubáyíbu nɛ alɔ nwu ŋma ɛlā ku Ɔwɔico a.—Ujɔ́n. 14:26.

Jila ɛlā má. Eko nɛ a gáā je ɔdā ō ya, da iyi uwɔ ɔka ka, ‘Aɔgba amāŋ ɔka ku Ubáyíbu nyá gáā ta um abɔ ku um jé ɛgɛ nɛ ɔtu gē ya Ujehofa lɛyikwu ɛlā a?’ Gbɔɔkɔ lɛ Ujehofa kóō ta uwɔ abɔ. Bi aɔdā ō le jila ɛlā má nɛ ɔwa ku Ujehofa ya nōo yɔ ipu uce ku uwɔ le yuklɔ, o ya ɛɛ ku a má aukɔ́ ku Ubáyíbu nōo lɛ o ya mla āhɔ̄ nɛ a ya anu a klla bi ɔ le yuklɔ.—Aíjē 25:4.

LƐ UVIDIO NYĀ MAFU NŌO KAHINII: ALƆ CIKA O “KWINYA MLA ƆTOOLE”—LÉ ƐNƐNƐ ƆDOLE, CƐƐ AA LƐ ƆKA NŌO BA NYĀ CILA:

• Unwalu nyá nɛ ɔyinɛ alɔ nɔnya nōo wɛ ɛdrɔ a má ipu uvidio a?

  Your answer

• Ɛgɛnyá nɛ a lɔfu bi aɔdā ō le jila ɛlā má le yuklɔ kóō ta uwɔ abɔ ipu ɛdɔ āhɔ̄ nyā?

  Your answer

• Ɛgɛnyá nɛ alɔ gáā lɛ itene eko duuma nɛ alɔ lɛ eko taajɛ ō jila ɛlā má klla ya oklɔcɛ ku abɔyi alɔ nōo géē ta alɔ abɔ ya ōmiya olɔhi a?—Uhíb. 5:13, 14

  Your answer