Ɛlā Ku Ɔwɔico lɔfu piya oyeeyi ku alɔ abɔ gla. (Uhíb. 4:12) Naana kpɔ a, o ya ɛɛ ku alɔ le itene ŋma ɛlā ō nwu mla aukɔ́ nōo yɔ ipu nu a, alɔ cɛgbá ō miyɛ cɛ kpɔcii kóō wɛ “ɛlā kú Ɔwɔicō.” (1 Utes. 2:13) Ɛgɛnyá nɛ alɔ gáā lɔfu tu ɔtu okpoce ku alɔ lɛ ɛlā ku Ɔwɔico nōo wɛ Ubáyíbu a?

Jé aya ku Ubáyíbu ɛ̄cī doodu. Abɔ a yɔ i jé Ubáyíbu a, leyi kwɛɛcɛ ku a má aɛlā nōo mafu peee ku Ujehofa lɛ Ubáyíbu á. Ocabɔ mafu, leyi yɛ aukɔ́ nōo yɔ ipu ɔkpá ku Aíita a, ku a má ɛgɛ nɛ ɛlā ijeeyi nōo yɔ ipu nu a gē tiile lɛ alɔ icɛ a.—Aíit. 13:20; 14:30.

Gbɔɔ ōmiya ku oklɔcɛ ku Ubáyíbu. Ceyitikwu ku a jé aɔdā nōo mafu ku Ujehofa bi alelekwu ihɔ ku nu le ta Ubáyíbu a. Ipu Research Guide for Jehovah’s Witnesses, má ɛhaajɛ ku ikpɛyi ɛlā nōo kahinii: “The Bible” mla u “Inspired by God.” A klla lɔfu ya ku ɔtu okpoce ku uwɔ kóō lɔfu ka olɛhɔ nōo yɔ ipu Ubáyíbu a i gē piyabɔ ŋ, ŋma lɛ ō leyi yɛ Appendix A3 ku New World Translation.

LƐ UVIDIO NYĀ MAFU NŌO KAHINII: ƆDĀ NŌO YA ƐƐ NƐ ALƆ KPƆTUCE . . . ƐLĀ KU ƆWƆICO, CƐƐ AA LƐ ƆKA NŌO BA NYĀ CILA:

• Ɔdɔ ku agbliihɔ néē má ipu Karnak, Ijipiti a, ɛgɛnyá nōó mafu ku ɛlā ku Ɔwɔico wɛ ɔkwɛyi a?

  Your answer

• Ɛgɛnyá nɛ alɔ bi le jé ka olɛhɔ ku Ubáyíbu i piyabɔ ɛ ŋ ma?

  Your answer

• Abɔ Ubáyíbu yɔ jaa kwu icɛ a, ɛgɛnyá nɛ ɛnyā mafu ku Ubáyíbu wɛ Ɛlā ku Ɔwɔico a?—Jé Ayisáya 40:8

  Your answer