Ɛpleeko nɛ ɛcɛ gáā mɛ nyā, alɔ gē má unwalu alɛwa nōó tɔɔtɛ flu flu ŋ. Ekoohi, ó lɔfu ya alɔ bɛɛka alɔ i gáā lé ɔtu unwalu ɔɔma gla ŋ ma. Naana kpɔ a, ɔdaŋ ku alɔ gɔbu yɔ i tubla Ujehofa ajaajɛ, ó géē tu alɔ abɔ ku alɔ lé ɔtu naana nōó wɛ unwalu nōo lɔnɔ nɛhi a. (Ayis. 43:2, 4) Ɛgɛnyá nɛ alɔ lɔfu tubla Ujehofa ajaajɛ eko duuma nɛ alɔ yɔ i má unwalu a?

Ɔkɔ ō gba. Eko duuma nɛ alɔ lɛ ɔtu ku alɔ da Ujehofa, ó géē je ɛbɔ ku ɔtu lɛ alɔ, ó klla géē je ɔfu iyē lɛ alɔ ō lé ɔtu duu.—Ufíl. 4:6, 7; 1 Utes. 5:17.

Ōjila ku ujɔ. Alɔ cɛgbá ɔdole ku ɛlā Ɔwɔico tōōtɔ̄ɔ̄ fiyɛ otɛtɛ mla ō piyatɔha mla ayinɛ alɔ ipu ōjila ku ujɔ. (Uhíb. 10:24, 25) Ɔdaŋ ku alɔ ya otutu, gā ōjila ku ujɔ klla toohi, alɔ géē miyɛ otabɔ ku alelekwu ihɔ ku Ujehofa.—Mafú. 2:29.

Ɔna ō ta. Ó géē tɔɔtɛ lɛ alɔ ō lɛ ɔtu ku alɔ kwu aɔdā olɔhi ɔdaŋ ku alɔ ya ɔdā duuma nɛ alɔ ya gla ku alɔ yɔ i yuklɔ ku ɔna ō ta. Alɔ klla gē ya ku ɛma ku alɔ mla Ujehofa mla ācɛ nɛ alɔ gē yuklɔ tɔha mla uwa a kóō yɔ i lɔfu.—1 Ukɔ́r. 3:5-10.

LƐ UVIDIO NYĀ MAFU NŌO KAHINII: UJEHOFA GÉĒ JE OTABƆ NƐ A CƐGBÁ A GĀ UWƆ, CƐƐ AA LƐ ƆKA NŌO BA NYĀ CILA:

• Ɔdi ta u Malu abɔ kóō yɔ kwu Ujehofa ajaajɛ eko nɛ ó yɔ i má unwalu a?

  Your answer

• Bɛɛka u Malu a, ɛgɛnyá nɛ ɛlā nōo yɔ ipu ɔkpá ku Aíjē Kú Ɛ̄gbā 34:18 géē tu alɔ ɔtu kwu ɔtu eko nɛ alɔ yɔ ipu unwalu a?

  Your answer

• Ɛgɛnyá nɛ ɔdā nɛ u Malu má a mafu ka Ujehofa géē je “ɔfú nɛ̄ɛ̄nɛ̄hi” lɛ alɔ eko nɛ alɔ yɔ i má unwalu a?—2 Ukɔ́r. 4:7

  Your answer