Ɔya Ɔmpa 19-25
AÍJĒ KÚ Ɛ̄GBĀ 8-10
Ijé Ɔmɛ 2 mla Ɔkɔ o gba | Aɛlā O Bi Gbɔɔ (uminiti 1)
1. “N Gē Bī Odúúdú Ɔtū Kú Um Lɛ Cɛ̄tra Óndú Ā”!
(uminiti 10)
Ujehofa lɔhi lɛ alɔ ibi (Aíjē 8:3-6; w21.08 3 ¶6)
Alɔ gē gweeye ō cɛtra Ujehofa oŋma lɛ ō da ācɛ ɔhá lɛyikwu uklɔ idaago ku nu (Aíjē 9:1; w20.05 23 ¶10)
Alɔ klla gē cɛtra ɔ eko duuma nɛ alɔ gē gwiije ŋma ɔtu lɛ ɔ (Aíjē 9:2; w22.04 7 ¶13)
DA IYI UWƆ ƆKA, ‘Ɔwɛ ɔhá nyá nɛ um lɔfu cɛtra Ujehofa a?’
2. Ɛnɛɛnɛ Ɛlā Nɛ Alɔ Nwu Ŋma Ɛlā Ɔwɔico
(uminiti 10)
-
Aíjē 8:3—Ɔdi nɛ Udefidi nwu eko nɛ ó gbɛla lipu lipu tu aɔdā nɛ Ɔwɔico ya a? (w23.03 19 ¶14)
-
Agbenu nyá nɛ a má ŋma ipu Ubáyíbu ō jé ku alaadi nyā nɛ a géē dɔka ō kɔ mɛmla alɔ a?
3. Ubáyíbu Ō Jé
(uminiti 4) Aíjē 10:1-18 (th oklɔcɛ ɔmɛ 11)
4. Ō Gbɔɔ Ɔka Ō Ka
(uminiti 3) Ō ŊMA ƆLƐ GĀ ƆLƐ. Ondu ɔlɛ a da uwɔ ka anuɔ i kpɔtuce Ɔwɔico ŋ. (lmd ɛlā ō nwu ɔmɛ 5 ogwotu 4)
5. Ōcigbihi Nyɔ
(uminiti 4) Ō KƐLA ƆWƆICO EKO NƐ Á YƆ I TƆƆNA Ŋ. Ŋma ɔka nɛ aa ka gbɔbu a, ɔcɛ a da uwɔ ka anuɔ i kpɔtuce Ɔwɔico ŋ, amáŋ ɔtu ku nu le nwula ō leyi yɛ aɔdā nōo mafu kóō lɛ ɔcɛ nōo ya ɛjɛɛji odee. (th oklɔcɛ ɔmɛ 7)
6. Ɛlā O Ka Tɛɛcɛ Ŋma Ubáyíbu
(uminiti 5) w21.06 6-7 ¶15-18—Ikpɛyi Ɛla: Ta Ācɛ Nɛ A Gē Ya Oklɔcɛ Ku Ubáyíbu Mla Uwa Abɔ Kéē Je Owoofu Lɛ Ujehofa. (th oklɔcɛ ɔmɛ 10)
Ijé Ɔmɛ 10
7. Ɛgɛ Nɛ A Géē Gbɔɔ Ɔka Ō Ka Ɔwɛ Olɔhi Eko Nɛ Á Yɔ I Tɔɔna Ŋ
(uminiti 10) Ɔka o ka.
Ɔwɛ éyi nɛ alɔ lɔfu cɛtra Ujehofa tōōtɔ̄ɔ̄ fiyɛ a wɛ eko nɛ alɔ gē tɔɔna lɛ ācɛ nɛ alɔ má eko nɛ alɔ gē yuklɔ ku alɔ ɛ̄cī doodu a. (Aíjē 35:28) Eko aflɛyi, ō kɛla Ɔwɔico eko nɛ alɔ i yɔ i tɔɔna ŋ ma lɔfu tu alɔ ufi. Amáŋ, eko duuma nɛ alɔ nwu ō gbɔɔ ɔka ō ka klla gɔbu mla ɔka ō ka ɔwɛ olɔhi, alɔ géē ya lɔhi fiyɛ klla jɔɔnyɛ nu!
Lɛ UVIDIO nyā mafu nōo kahinii: Le Tutu Ō “Tɔ́ɔna Kú Ɔ̄kōolɔhi Kú Ɛbɔ́ A”—Wɛ Ɔcɛ Aflɛyi Nōo Géē Gbɔɔ. Cɛɛ a lɛ ɔka nyā da ayinɛ a kahinii:
Ɔdi nɛ a nwu ŋma ipu uvidio nyā nōo lɔfu ta uwɔ abɔ ō ya lɔhi fiyɛ ō kɛla Ɔwɔico eko nɛ á yɔ i tɔɔna ŋ ma?
Aɛlā nōo ba nyā wɛ aɛlā ōhī nōo lɔfu ta uwɔ abɔ ō gbɔɔ ɔka ō ka:
-
Dɔka ɔwɛ ōhī nɛ a géē gbɔɔ ɔka ō ka eko duuma nɛ a bɛɛcɛ ŋma ɔlɛ uwɔ. Gbɔɔkɔ lɛyikwu ɔ, ku a klla ba Ujehofa kóō ta uwɔ abɔ yɛ fu ācɛ nōo géē dɔka ō jahɔ
-
Gbonɛnɛ ku a klla mafu ku a lɛ ɛlá wu ācɛ nɛ a yɔ i kɛla lɛ uwa a. Ceyitikwu ku a jé ɔcɛ a lɔɔlɔhi o ya ɛɛ ku a kɛla ŋma Ubáyíbu nōo géē lɛ abɔ kwu ɔ ɔtu
-
Ceyitikwu ku a miyɛ inɔmba ku nu amāŋ jé ulayi ɛga nɛ ó lā a, ɔdaŋ kóō cika
-
Ɔtu ku uwɔ kóō hii biya ŋ, ɔdaŋ ku ɔka ō ka kwu ŋmɛyi gbɔbu ɛɛ ku a kɛla Ɔwɔico
-
Gbɛla lɛyikwu ɔcɛ a igbihi nɛ aa lɛ ɔka ka mɛ. Gɔbu ku a mafu ku a lɛ ɛlá wu ɔ oŋma lɛ ō tu ulink ku ɔgba ku Ubáyíbu amāŋ ikpɛyi ɛlā ŋma ipu jw.org ɛhɔ fu ɔ
Lɛ ɛnyā jama: Ɔdaŋ ku ɔcɛ da uwɔ kahinii: ‘Abɔ a yɔ lɛ?,’ da ɔ lɛyikwu ɔdā nɛ a nwu ŋma ōjila ku ujɔ amāŋ lɛyikwu uklɔ nɛ a gē ya ō nwu ācɛ ɛlā ŋma ipu Ubáyíbu a.
8. Ɛgbá ku Ujɔ
(uminiti 5)
9. Ubáyíbu Oklɔcɛ Ku Ujɔ
(uminiti 30) bt ɛyi 6 ¶1-8, aɛlā ō bi gbɔɔ ku aya 2
