Ɔya Ɔmpa 26–Ɔya Ɔmɛta 3
AÍJĒ KÚ Ɛ̄GBĀ 11-15
Ijé Ɔmɛ 139 mla Ɔkɔ o gba|Aɛlā O Bi Gbɔɔ (uminiti 1)
1. Leyi Má Iyi Uwɔ Ipu Ɛcɛ Ɛyipɛ Ku Ɔwɔico Nɛ Ɛbɔ Yɔ
(uminiti 10)
Eko duuma nɛ ācɛ i lɛyitaajɛ lɛ íne mla ɔ́da ŋ, ɛnyā gē bi unwalu ɛyɛɛyɛyi nɛ alɔ yɔ i má icɛ a wa (Aíjē 11:2, 3; w06 5/15 18 ¶3)
Alɔ kpɔtuce kóō gboji gɛ ŋ, Ujehofa géē bi ācɛ nōo gē ya ɔdobɔbi a wa oŋmɛyi (Aíjē 11:5; wp16.4 11)
Ō gbɛla tu okonu ō ce ku Ɔwɔico lɛyikwu ohɛta ku alɔ géē ta alɔ abɔ gbeyicii gbeeko nɛ ɛcɛ ɛyipɛ a géē wa (Aíjē 13:5, 6; w17.08 6 ¶15)
LƐ ƐNYĀ JAMA: Jé Isíkɛ̄lu 34:25, cɛɛ ku a lɛ eko taajɛ ku a má iyi uwɔ ɛga nɛ ɛbɔ yɔ nɛ Ubáyíbu nyā kɛla lɛyikwu ɔ a.—kr 236 ¶16.
2. Ɛnɛɛnɛ Ɛlā Nɛ Alɔ Nwu Ŋma Ɛlā Ɔwɔico
(uminiti 10)
-
Aíjē 14:1—Ɛgɛnyá nɛ uce ō ya nɛ ɛga ku Ubáyíbu nyā kɛla lɛyikwu ɔ a lɔfu lɛ abɔ kwu Ācɛ O Yɛce Ukraist iyē a? (w13 9/15 19 ¶12)
-
Agbenu nyá nɛ a má ŋma ipu Ubáyíbu ō jé ku alaadi nyā nɛ a géē dɔka ō kɔ mɛmla alɔ a?
3. Ubáyíbu Ō Jé
(uminiti 4) Aíjē 13:1–14:7 (th oklɔcɛ ɔmɛ 12)
4. Ō Gbɔɔ Ɔka Ō Ka
(uminiti 2) Ō KƐLA ƆWƆICO EKO NƐ Á YƆ I TƆƆNA Ŋ. Hi ɔcɛ ɔɔma igwú wa oblatu ku ikwū ku Ujisɔsi. (lmd ɛlā ō nwu ɔmɛ 5 ogwotu 3)
5. Ō Gbɔɔ Ɔka Ō Ka
(uminiti 1) Ō ŊMA ƆLƐ GĀ ƆLƐ. Hi ɔcɛ ɔɔma igwú wa oblatu ku ikwū ku Ujisɔsi. (lmd ɛlā ō nwu ɔmɛ 3 ogwotu 4)
6. Ō Gbɔɔ Ɔka Ō Ka
(uminiti 3) Ō ŊMA ƆLƐ GĀ ƆLƐ. Ɔcɛ a mafu ka ɔkpá ō higwu wa oblatu ku ikwū ku Ujisɔsi he anuɔ ɔtu. (lmd ɛlā ō nwu ɔmɛ 7 ogwotu 4)
7. Ō Lɛ Ācɛ Piya Ayikpo
(uminiti 5) lff ɛlā ō nwu ɔmɛ 13 ɔdi nɛ a nwu a?, aɔka ō tu alɔ ɛlá kwu ɔdā nɛ alɔ nwu mla ɔdā nɛ a géē ya. Bi ikpɛyi ɛlā éyi ŋma ipu aya ku “Jila ɛlā nyā má tōōtɔ̄ɔ̄” le ta ɔcɛ nɛ a gē ya oklɔcɛ mla ɔ a abɔ kóō má ɛgɛ nɛ ɔtu gē ya Ɔwɔico lɛyikwu ɔwɛ ō gba ɛ̄gbā ku ɛkɛmgbɛ a. (th oklɔcɛ ɔmɛ 12)
Ijé Ɔmɛ 8
8. “Íjééyī Lɔhi Fíyɛ́ Ɛdɔ Iyɔ́fú Dóódu Á”
(uminiti 10) Ɔka o ka.
Ɔdobɔbi alɛwa yɔ i nwune tōōtɔ̄ɔ̄ ipu oduudu ɛcɛ. Ujehofa jé ka ɔdobɔbi nɛ alɔ gē má mla aɛ̄nɛ̄ ō gē ya da alɔ a gē ya ku alɔ lɛ ɔtoplico. Ó jé ku alɔ cɛgbá ō lɛ ogbotu. Ɔwɛ éyi nɛ ó gē je ogbotu lɛ alɔ a wɛ o bu ipu ɛlā ku nu nōo wɛ Ubáyíbu a.—Aíjē 12:5-7.
Ubáyíbu lɛ aɛlā ku ijeeyi nōo “lɔhi fíyɛ́ ɛdɔ iyɔ́fú dóódu.” (Ɔ̄cok. 9:18) Leyi yɛ ɛgɛ nɛ aukɔ́ ku Ubáyíbu nyā lɔfu gbo alɔ ŋma ɔdobɔbi a.
-
Ɔ̄cok. 4:9, 10—Awɔ foofu uwɔ kóō hii yɔ ɛga amāŋ ipu āhɔ̄ nɛ á lɛ ogbotu ŋ
-
Aíit. 22:3—Leyi kwɛɛcɛ ku a jé ɔdā nōo yɔ i ya ɔwɛ ɛga nɛ a yɔ eko duuma nɛ a yɔ ipu ɛwa
-
Aíit. 26:17—A hii lɛ okonu ta aafu nōó wɛ ɛlā uwɔ ŋ
-
Aíit. 17:14, NW—Ɔdaŋ ku a má ku unwalu gáā gbɔɔ ɔwɛ ɛga nɛ a yɔ a, nyɛɛ ŋma abɔɔ fiya fiya. Nyɛɛ ŋma ipu ācɛ nōo lɛ iyi uwa tuba ō mafu ku aa cɛ ŋ cɛ ŋ
-
Ulúk. 12:15—A hii jama lɛ oyeeyi ku uwɔ kwu ikwū ajaajɛ o ya ɛɛ ku a gbo ɔdā agbenu ku uwɔ tu ŋ
Lɛ UVIDIO nyā mafu nōo kahinii: Ya Ɛgbla Ku Ācɛ Nōo Lɛ Ɔtu Okpoce, Ó Wɛ Ācɛ Nōó Lɛ Ɔtu Okpoce Ŋ—Ɛnɔku, Ó Wɛ Ulamɛki Ŋ. Cɛɛ a lɛ ɔka nyā da ayinɛ a kahinii:
Ɛgɛnyá nɛ ocabɔ ku Enɔku lɛ abɔ kwu ōmiya ku adā a mla uce ō ya ku nu eko nɛ unwalu yɔ a?—Uhíb. 11:5
Ipu āhɔ̄ ōhī, Ɔcɛ O Yɛce Ukraist lɔfu má ka ó cɛgbá ō bi ijeeyi le yuklɔ kóō je ogbotu lɛ iyi nu amāŋ aɔdā agbenu ku nu. Ɔdaŋ kóō lɛ a, ó géē ya ɔdā duuma nɛ ó ya gla o ya ɛɛ kóō hii ŋmo ɔcɛ ŋ.—Aíjē 51:14; má u “Questions From Readers” nōo bɛɛcɛ ipu Ɔda Ō Gbaajɛ ku Ɔya Ɔmahaapa 2017 aku oyibo.
9. Ō Nyɔ I Hi Ācɛ Igwú Wa Oblatu Ku Ikwū Ku Ujisɔsi A Géē Gbɔɔ Usati Ɛ̄cī 2 Ku Ɔya Ɔmɛta
(uminiti 5) Ɔnyakwɔcɛ ku ujɔ gáā ya ɛlā ō ka tɛɛcɛ ŋma Ubáyíbu nyā. Lɛ ōmiya nōo yɔ lɛyikwu ō nyɔ i hi ācɛ igwú, ɛnɛɛnɛ ɛlā ō ka tɛɛcɛ mla Oblatu a ka. Ta ayinɛ a ɛlá kwu ɔ kéē lɔfu je piya ɔcɛ ō gbɔbu ɔna ō ta ŋma eko ta eko nōo wɛ awa 15 a ipu Ɔya Ɔmɛta mla Ɔya Ɔmɛnɛ.
10. Ubáyíbu Oklɔcɛ Ku Ujɔ
(uminiti 30) bt ɛyi 6 ¶9-17
