ƆKPA UKLƆ KU OYEEYI K'ĀCƐ O YƐ CE UKRAIST MLA UKLƆ K'ALƆ Ɔya Ɔmɛnɛ 2018
Ocabɔ mafu ku ɛgɛ nɛ alɔ lɔfu tɔɔna
Ocabɔ mafu ɛyɛɛyɛyi ku ɔka o ka lɛyikwu Ubáyíbu mla oyeeyi olɔhi.
AGBENU NŌO YƆ IPU ƐLĀ ƆWƆICO
Ɛgɛnyá Nɛ Ucɛ Ku Onyata Mla Ɛ̄cī ku Oblatu Ku Ikwū Ku Ujisɔsi Le Gbla Iyi Uwa A? Ɔdi Klla Wɛ Ɛyɛɛyi Ku Uwa A?
Naana nɛ ucɛ ku onyata a i mafu ɔwɛ néē gáā bi le ya oblatu ku ikwū ku Ujisɔsi ŋ ma, o lɛ ɔdā ōhī lɛyikwu ɔ nōo cɛgbá lɛ alɔ duu.
AGBENU NŌO YƆ IPU ƐLĀ ƆWƆICO
Nyɔ Gáā Lɛ Ācɛ Piya Ayikpo Ku Um—Ɔdiya, Ɛga nyá, mla Ɛgɛnyá a?
Ō lɛ ācɛ piya ayikpo ku Ukraist lɛ o ya mla ō nwu ācɛ kéē ya ɛjɛɛji ɔdā nɛ Ujisɔsi nwu a. Uklɔ nɛ Ujisɔsi je lɛ alɔ ku alɔ nyɔ gáā lɛ ācɛ piya ayikpo ku nu a lɛ o ya mla ō nwu ācɛ nɛ alɔ gē ya oklɔcɛ mla uwa a ɛlā o ya ɛɛ kéē yɛce aɛlā o nwu ku Ujisɔsi klla yɛce ocabɔ ku nu.
ƐGƐ NƐ ĀCƐ O YƐCE UKRAIST GĒ LĀ OYEEYI
Ō Tɔɔna mla O Nwu Ācɛ Ɛlā Cɛgbá Nɛhi Ɔdaŋ Ku Alɔ Dɔka O Lɛ Ācɛ Piya Ayikpo Ku Ukraist
Ujisɔsi je ɔ́da lɛ ayikpo ku nu kéē nyɔ gáā lɛ ācɛ piya ayikpo ku nu. Ɛnyā lɛ o ya mla ɔdi? Ɛgɛnyá nɛ alɔ lɔfu ta ācɛ abɔ kéē jɛ ipu ɛlā Ɔwɔico a?
AGBENU NŌO YƆ IPU ƐLĀ ƆWƆICO
“E kwu Ine Nɛ A Biya A I ya Uwɔ Ɛhi Ɛ”
Ɔdi nɛ alɔ nwu ŋma uklɔ idaago nōo yɔ ipu ɔkpá ku Umáki 2:5-12? Eko duuma nɛ um yɔ i dōōcē, ɛgɛnyá nɛ ɔkpá ku Ubáyíbu nyā géē ta alɔ abɔ ka alɔ lɔtu a?
AGBENU NŌO YƆ IPU ƐLĀ ƆWƆICO
Ō Hɛta Ɛ̄cī ku Usabati
Ɔdiya nɛ uce o ya ku aotrɛyi ku ācɛ Ujiyu a kwu Ujisɔsi iyē nɛhi a? Ɔdi wɛ aɔka nɛ alɔ géē da iyi alɔ o ya ɛɛ ku alɔ má ɔdaŋ ku alɔ gē gbla Ujisɔsi ya ɛgɛ nōó i meyinyinyi ācɛ a?
AGBENU NŌO YƆ IPU ƐLĀ ƆWƆICO
Ujisɔsi Lɛ Ɔfu Ō Je Ācɛ Nɛ Alɔ Yihɔtu Uwa Nōo Gekwu Ɛɛ Ma Heyi Ŋma Ɔlekwu
Ō gbɛla kwu aɔka ku ācɛ néē heyi ŋma ɔlekwu nōo yɔ ipu Ubáyíbu a géē ya ku alɔ kpɔtuce lɔfu lɔfu lɛyikwu ɛ̄nɛ̄ o géē ya ɛcɔbu a.
ƐGƐ NƐ ĀCƐ O YƐCE UKRAIST GĒ LĀ OYEEYI
Bi Aɔdā Okpɔcii Nɛ Alɔ Gē Bi le Nwu Ācɛ Ɛlā a Le Yuklɔ Lɔɔlɔhi
Ō ya ɛɛ ku alɔ nwu ācɛ ɛlā lɔɔlɔhi, alɔ cika ō nwu ɛgɛ nɛ alɔ géē bi ikpati ku aɔdā nɛ alɔ gē bi le nwu ācɛ ɛlā le yuklɔ lɔɔlɔhi. Ɔdi wɛ ɔdā okpɔci nɛ alɔ gē bi le nwu ācɛ ɛlā a? Ɛgɛnyá nɛ a géē ya ku a ya lɔhi fiyɛ abɔ a yɔ i yuklɔ mla aɔdā noo yɔ ipu ikpati ku aɔdā nɛ alɔ gē bi le nwu ācɛ ɛlā a?
