10:13

Ɔdaŋ ka ó he Ujehofa ɔtu nɛɛ, ó lɔfu je ojama nɛ alɔ gē má a fu. Amáŋ, igbalɛwa, ó gē ‘ma ɔwɛ nɛ alɔ géē yɛ bɛɛcɛ’ ŋma ipu ojama ‘fu lɛ alɔ,’ ŋma lɛ ō yɔ i je aɔdā nɛ alɔ cɛgbá a lɛ alɔ nōo géē ta alɔ abɔ ku alɔ lɔtu ipu ojama mɛɛlɛ.

• Ó lɔfu ta alɔ abɔ ku alɔ gbɛla ɔwɛ okpaakpa, ó kē lɔfu bi Ubáyíbu, owu ihɔ ku nu, mɛmla ɔdole ku ɛlā ku nu nɛ ó gē je lɛ alɔ icɛ a le ta alɔ ɔtu kwu ɔtu klla ta alɔ ɔtule.—Umt 24:45; Ujɔ́ 14:16; Uró 15:4

• Ó lɔfu má ɔwɛ fu lɛ alɔ, o bu ipu owu ihɔ ku nu. Owu ihɔ ku nu kē i ta alɔ abɔ ku alɔ blakwu aɔ̄kā mla aukɔ́ nōo yɔ Ubáyíbu, o ya ɛɛ ku alɔ je ɔdā okpaakpa nɛ alɔ cika ō ya a.—Ujɔ́ 14:26

• Ó lɔfu bi aalelekwu otɛhɔ ku nu le ta alɔ abɔ.—Uhí 1:14

• Ó kē lɔfu bi ayinɛ alɔ ipu ujɔ le ta alɔ abɔ duu.—Ukó 4:11