Ayinɛ gē yuklɔ lɔfu lɔfu kē lɛ ocabɔ ku ɔka o ka a tutu, ayinɛ alɛwa nōo yɔ ipu ujɔ a má kóō yuklɔ lɛ uwa nɛhi ɛga néē gē tɔɔna a. Naana a, abɔ āhɔ̄ wɛ ɛyɛɛyɛyi ipu oduudu ɛcɛ a, ayinɛ lɔfu bi ɔwɛ amāŋ ikpɛyi ɛlā ɛyɛɛyi nōo gē he ācɛ ɔtu ɔwɛ ɛga néē lā a le yuklɔ ipu uklɔ ku ɔna ō ta ku uwa. Aku ɔkwɛyi a, ɛjɛɛji alɔ cika ō yɛce ukɔ́ mla ōmiya nōo yɔ ku ɛnɛɛnɛ uklɔ ku ɔna ō ta. Ɔdā okpɔcii a wɛ ō yuklɔ nɛ Ujisɔsi je lɛ alɔ ō tɔɔna ku ɔkoolɔhi ku Ajɔɔcɛ a.—Umát. 24:14.

Eko nɛ ayinɛ yɔ i yuklɔ ŋma ɛyi ede, é cika ō kɔka lɛyikwu ikpɛyi ɛlā ku ocabɔ ku ɔka o ka nōo yɔ ipu Ɔkpá Ku Ōjila Ku Oyeeyi Mla Uklɔ Ku Alɔ a. Amáŋ, ayinɛ lɔfu piya ɔka, Ubáyíbu, ɔdā nɛ a géē ka igbɔha amāŋ āhɔ̄ a abɔ gā ɛ̄nɛ̄ ō gē yuklɔ lɔhi fiyɛ ɔwɛ ɛga néē gē tɔɔna a, ɔdaŋ kéē ta ipu ɔkpá ku ōjila a ka ikpɛyi ɛlā ɔɔma nɛ a gáā bi yuklɔ piii a ŋ. Ɛnyā wɛ opiyabɔ ɛyipɛ lɛ ɛlā nōo bɛɛcɛ ipu ɔkpá ku ōjila ku Ɔya Ɔmɛhili ku 2020 ipu upeji ɔmɛ 8.