25:1-12

Naana nɛ Ujisɔsi bi aciije ku ayipancɛnya igwo nōó jé ɔcɛnyilɔ jejee ɛ ŋ ma le nwu ācɛ néē lɛ anɔ tu uwa ɛyi ɛlā a, ɔcɛlā ku aciije a lɛ o ya mla oduudu Ācɛ o Yɛce Ukraist. (w15 3/15 12-16) “Aá leyī kwɛɛcɛ kú aá le tútū, ohígbū kú aá jé ɛ̄cī ā ámāŋ eko nɛ̄ Ɔyínɔ̄nyīlɔ kú Ɔ̄cɛ géē kwúcē wā ā ŋ́.” (Umt 25:13) A lɛ aciije nyā ta ācɛ eyī peee gla a?

• Olɔnya (ɔgba 1)​—Ujisɔsi

• Ayipancɛnya o jeeyi nōo tutu a (ɔgba 2)​—Ācɛ o Yɛce Ukraist néē lɛ anɔ tu uwa ɛyi nōo le tutu o yuklɔ ku uwa klla yɔ i fiyajɛ jaa gā oŋmɛyi ku ɛcɛ nyā (Ufíl 2:15)

• Ɔkɔ nōo dɛ̄gba kahinii: ‘Aá mɔ́ɔ̄, ɔ̄cɛ olɔnyā ā gē wā ɛɛ́!’ (ɔgba 6)​—Ō mafu ka Ujisɔsi gā ɛ

• Ayipancɛnya nōo wɛ olila a (ɔgba 8)​—Ācɛ o Yɛce Ukraist néē lɛ anɔ tu uwa ɛyi nōo yɔ i nyɔ gáā jila Ɔcɛ olɔnya a ɔwɛ amáŋ e leyi kwɛɛcɛ ŋ, e kē hayi kpaakpa ŋ

• Ayipancɛnya nōo jeeyi a ta o je anɔ ku uwa lɛ aolila a (ɔgba 9)​—Eko néē lɛ ācɛ néē lɛ anɔ tu uwa ɛyi nōo hayi kpaakpa a fukɔ́ mɛ, uwa i gáā lɛ ɔfu o ta ɔmpa uwa nōó hayi kpaakpa ŋ ma abɔ gla gɛ ŋ

• “Ɔ̄cɛ olɔnyā ā gā” (ɔgba 10)​—Ujisɔsi géē wa ku o gā hɛ ɛpɔ eko nɛ eko ku akanya nɛhi a le ba o mɛ

• Ayipancɛnya nōo jeeyi a le yɛ ta ɛgiyi ucɛ ku ɔnyā o lɛ mla ɔcɛ olɔnya a, anɔɔ e lɛ ɔwɛ gwu a (ɔgba 10)​—Ujisɔsi kwu ācɛ néē lɛ anɔ tu uwa ɛyi nōo hayi kpaakpa u kpo gā ɔkpanco, amáŋ o habɔ aɛ̄nɛ̄ o ta o hayi kpaakpa a ta