ƆDIYA NŌÓ CƐGBÁ A: Ācɛ alɛwa nōó mɛɛbɛ gla ŋ ma, gē lɛ ɔtoplico eko néē gē kɛla mla ācɛ néē jé ŋ ma. Ohigbu ɛnyā, ó cɛgbá ijeeyi nɛhi, o ya ɛɛ ku a lɔfu kɛla Ɔwɔico lɛ uwa. Ujehofa mafu ka ó lɛ ɛlá wu ācɛ nōo wɛ opeyi a. (Ulīf. 19:14) Alɔ lɔfu gbla ocabɔ ku nu ya, ŋma lɛ ō je otabɔ lɛ ācɛ nōo wɛ opeyi a, kéē gā lɛ Ujehofa jé.

ƐGƐ NƐ A GÉĒ YA Ɔ A:

• “Dɔɔ̄kā” ācɛ nōo wɛ opeyi a. (Umát. 10:11) A jé ɔcɛ duuma nɛ ɔcɛ éyi ŋma ipu apɔlɛ ku nu wɛ opeyi? Ɛga nɛ a gē tɔɔna a lɛ ainɔkpa, ɛga néē gē leyi kwu aopeyi, amāŋ ɛga ɛyɛɛyɛyi ɔhá néē lɔfu dɔka aɔkpá néē ya lɛ aopeyi a?

• Mafu ku a lɛ ɛlá wu uwa. Eko nɛ a gbonɛnɛ lɛ uwa ŋma ipu ɔtu, klla mafu ku a lɛ ɛlá wu uwa lɔɔlɔhi, ó géē ta ācɛ nōo wɛ opeyi abɔ kéē lɛ ɔtu ogbonɛɛ eko nɛ a yɔ i kɛla mla uwa. Ceyitikwu ku a gbɔɔ ɔka o ka mla uwa lɛyikwu ɔdā nōo he ācɛ ɔtu ɔwɛ ɔlɛ uwɔ a.

• Ta ācɛ nōo wɛ opeyi a abɔ, kéē lɛ aɔkpá ku alɔ nōo géē ta uwa abɔ gáā jé Ujehofa a lɛ. O ya ɛɛ ku alɔ ta ācɛ nōo wɛ opeyi amāŋ ācɛ nōó i mɛɛbɛ lɔhi ŋ ma abɔ, ɔwa ku alɔ lɛ aɔkpá néē ya ɔwɛ ɛyɛɛyɛyi. Da ɔcɛ ɔɔma ɔka ɔwɛ nōo géē he ɔ ɔtu o nwu ɛlā a. Ɔcɛ nōo géē leyi kwu uklɔ ku ɔna o ta a, cika ō ya ku ɔcɛ nōo gē leyi kwu aɔkpá a, kóō le ya ku ɔwɛ ɛyɛɛyɛyi néē ya aɔkpá a, nōo he ɔnyɔɔyɛ ku aopeyi a ɔtu a kóō le yɔ.