ƆDIYA NŌÓ CƐGBÁ A: Ɛjɛɛji aɔdā okpɔcii nɛ alɔ gē bi le nwu ācɛ ɛlā gē da ācɛ lɛyikwu jw.org. Ɔdā éyi nōo kóō ya nɛ alɔ ya kard ku jw.org mla utrat nōo kahinii Where Can We Find Answers to Life’s Big Questions? a, wɛ o ya ɛɛ ku alɔ bi uwa le da ācɛ lɛyikwu uwɛbsiti ku alɔ nɛ. A lɔfu ta ɔkpá ɛhɔ amāŋ uvidio ŋma ipu aɔdā okpɔcii nɛ alɔ gē bi le nwu ācɛ ɛlā lɛ ɔcɛ gla ŋma ipu jw.org. Ɛnyā lɔfu ta uwɔ abɔ nɛhi, o fiyɛ duu, eko nɛ a yɔ i kɛla Ɔwɔico lɛ ɔcɛ nōo gē ka uce ɔhá. Ó klla lɛ ɔka ōhī nɛ ācɛ gē da, nɛ ohi ku nu i yɔ ipu aɔdā okpɔcii nɛ alɔ gē bi le nwu ācɛ ɛlā ŋ, amáŋ, nɛ ohi a kē yɔ ipu ɔkpá amāŋ uvidio ɔhá ipu uwebsiti a. Ɔdaŋ ku alɔ jé ō dɔka ɛga nɛ aɔdā ɛyɛɛyɛyi ba ipu Uwebsiti ku alɔ a lɔɔlɔhi, ó géē ta alɔ abɔ ku alɔ bi ɔ le yuklɔ ipu uklɔ ku ɔna o ta ku alɔ lɔhi fiyɛ.

ƐGƐ NƐ A GÉĒ YƆ A:

• Yuklɔ mla ɛga néē tá u “BIBLE TEACHINGS” a, Ɔdaŋ ku a yɔ i kɛla Ɔwɔico lɛ ɛ́nɛ́ amāŋ adā nōo dɔka ō jé ɔdā alɛwa lɛyikwu ɛgɛ néē géē bi ayipɛ ɔlɛ uwa jɛ a. Nyɔ gā ɛga néē tá u BIBLE TEACHINGS > MARRIAGE & FAMILY.

• Yuklɔ mla ɛga néē tá u “PUBLICATIONS”, Ɔdaŋ ku a yɔ i kɛla Ɔwɔico inɔkpa eko nɛ a yɔ i tɔɔna ŋ, nɛ a kē dɔka ō mafu ɔkpá nōo kahinii Answers to 10 Questions Young People Ask lɛ ɔyipɛ inɔkpa ku uwɔ. Nyɔ gā ɛga néē tá u PUBLICATIONS > BOOKS & BROCHURES.

• Yuklɔ mla ɛga néē tá u “ABOUT US”, Ɔdaŋ ku a yɔ i kɛla Ɔwɔico lɛ ɔcɛ nɛ a gē yuklɔ mla anu, nɛ ó kē dɔka ō jé odee ligii lɛyikwu ɔdā nɛ alɔ kpɔtuce a. Nyɔ gā ɛga néē tá u ABOUT US > FREQUENTLY ASKED QUESTIONS.

AA MÁ UVIDIO NYĀ NŌO KA KAHINII ƐGƐNƐ A GÉĒ DƆKA ƐGA NƐ ODEE BA IPU JW.ORG, KU AA LEYI YƐ ƐGA NƐ AA GÉĒ NYƆ IPU UWEBSITI A, ƆDAŊ KU AA DƆKA Ō JE OTABƆ:

• lɛ ɔcɛ nōo ka Ɔwɔico i yɔ ŋ

• lɛ ɔcɛ nɛ ɔdā acigili éyi ya ɔ nōó gboji ɛ ŋ

• lɛ ɔyinɛ alɔ nɔnya amāŋ nɔnyilɔ, nōó gē nyɔ i yuklɔ ku ɔna o ta a gɛ ŋ

• lɛ ɔcɛ nɛ a yɔ i klɔcɛ ku Ubáyíbu mla ɔ, nōo yɔ i gbɛla ɔwɛ ɛgɛ nɛ alɔ gē lɛ ije nɛ alɔ gē bi le yuklɔ ku alɔ a

• lɛ ɔcɛ nōo ŋma éwo ɔhá, amáŋ, nōo dɔka ō gā ōjila ku ujɔ nōo yɔ éwo ku nu