ƐGƐ NƐ ĀCƐ O YƐCE UKRAIST GĒ LĀ OYEEYI
Blakwu Ɔnyā ku Ulɔtu
Ɔdiya nɛ ɔnyā ku Ulɔtu piyeyi má igbihi eko nɛ ó yɔ i kwu ŋma Usɔdɔm a? Ubáyíbu i da alɔ ɔdā nōo ya a ŋ. (Ohú 19:17, 26) Ahɔ̄ ō pi ku Ujisɔsi ipu ɔgba ku Ubáyibu nyā, mafu ka ó lɔfu wɛ ka ɔnyā Ulɔtu lɛ ɔtu ku nu kwu aɔdā nɛ ó mabɔ uwa ta Usɔdɔm a. (Ulú 17:31, 32) Ɔdi nɛ alɔ cika o kwu iyi alɔ ŋma ɛgiyi nu, o ya ɛɛ ku ɛma nɛ alɔ lɛ mla Ɔwɔico kóō hii hɛ alɔ abɔ bɛɛka ɔnyā Ulɔtu ŋ ma? Alɔ i cika o cɛ ku ō nu aɔdā agbenu kóō wɛ ɔdā nōo cɛgbá fiyɛ duu ipu oyeeyi ku alɔ ŋ. (Umt 6:33) Ujisɔsi nwu alɔ kahinii “Aá gáā cɛ̄ Ɔwɔicō ɛhɔ̄, ká aá klla yɔ̄ ī lɛ ije ō dɔ̄ɔka bla anú igbo ékpónú . . . glá ŋ́.” (Umt 6:24) Amáŋ, ɔdaŋ ku alɔ má ku ɔdā agbenu gbɔɔ ō ya, nɛ alɔ i gē lɛ ɛga lɛ ɛ̄gbā o gba ku Ɔwɔico gɛ ŋ bɛɛ? Alɔ lɔfu gbɔɔkɔ lɛ Ujehofa kóō je ijeeyi lɛ alɔ, o ya ɛɛ ku alɔ má ɛga nɛ alɔ cɛgbá o piyabɔ mla o ba ɔ kóō je ɔtu o lɛ mla ɔfu nɛ alɔ cɛgbá, nōo géē ta alɔ abɔ ya ɛnyā gla.
BLAKWU AYA ƐTA KU UVIDIO NŌO KA KAHINII BLAKWU ƆNYĀ KU ULƆTU, CƐƐ KU AA CILA AƆKA NŌO BANYA:
-
Ɛgɛnyá nɛ um géē mafu oŋma lɛ ɛgɛ nɛ um gē lā oyeeyi a, ku um gē “blakwu ɔnya ku ulɔtu” a?
Ō kwu néē kwu Ugloria kóō nyɔ i ya ije tōōtɔ̄ɔ̄ a, ɛgɛnyá nōó lɛ abɔ kwu ɛlá o gbo, ɛlā o ka mla uce o ya ku nu a?
-
Ɔwɛ nyá nɛ ocabɔ ku ɔnyā Ulɔtu wɛ ahɔ̄ ō pi lɛ alɔ icɛ a?
-
Ɛgɛnyá nōo bi ukɔ́ ku Ubáyíbu yuklɔ ta u Joe mla apɔlɛ ku nu abɔ a?
-
Ɛgɛnyá nɛ ācɛ nɛ Anna gē piyatɔha mla uwa ɛga yuklɔ ku nu, lɛ abɔ kwu ɛ̄gbā ō gba ku nu a?
-
Ɔdiya ɛɛ nɛ ɔtoolɛ cɛgbá, ɔdaŋ ku ācɛ yɔ i kwu alɔ ku alɔ lɛ ije ō dɔka ta aflɛyi ipu oyeeyi ku alɔ a?
-
Ɛgɛnyá nɛ Ben mla Ugloria cigbihi gáā lɛ ɛ̄gbā ō gba ku Ujehofa ta aflɛyi ipu oyeeyi ku uwa a?
-
Ukɔ́ ku Ubáyíbu nyá néē bi le yuklɔ ipu uvidio nyā a?
