Ujisɔsi lɛ ocabɔ olɔhi taajɛ lɛ alɔ nɛ alɔ cika o gbla ya, o fiyɛ duu a, eko nɛ alɔ yɔ i má ojama amāŋ eko néē yɔ i miya alɔ owe. (1Upí 2:​21-23) Naana nɛ Ujisɔsi kóō yɔ i moowe a, eko néē ca ɔ ɛca a, o ca uwa ɛca cigbihi ŋ. (Umák 15:​29-32) Ɔdi ta Ujisɔsi abɔ kóō lɔtu a? O lɛ ɔtu ku nu ya ekpo ku anuɔ dɔka o ya ɔdā nōo yɔ ipu ɔtu ku Ujehofa anu ya a. (Ujɔ́ 6:38) O klla lɛ ɔtu ku nu kwu “éeyē nōó gáā gwó ā.”​—Uhíb 12:2.

Ɔdi nɛ alɔ gē ya eko duuma néē yɔ i miya alɔ owe ohigbu ɔdā nɛ alɔ kpɔtuce a? Ācɛ O Yɛce Ukraist ɔkwɛyi a i gē “bī obɔ̄bí le cíle ulé obɔ̄bí . . . ŋ́.” (Uró 12:​14, 17) Alɔ gē lɛ eeye eko duuma nɛ alɔ gbla Ukraist ya, ɛgɛ nōó lɔtu ipu owe a, ohigbu ku alɔ jé ka ó gē cɛ lɛ ɔtu he Ɔwɔico.​—Umt 5:​10-12; 1Upí 4:​12-14.

AA MÁ UVIDIO NYĀ NŌO KA KAHINII: IYE KU UJEHOFA CƐGBÁ FIYƐ DUU A. ƆDAŊ KU AA LƐ Ɔ MÁ MƐ, AA CILA AƆKA NŌO BANYA:

• Ɛgɛnyá nɛ ɔyinɛ alɔ nɔnya Pötzinger * bi ijeeyi le yuklɔ mla eko ku nu eko nōó yɔ inu agbá a?

• Ɛdɔ owe nyá nɛ ɔyinɛ alɔ nɔnya mla ɔba nu Pötzinger lɔtu nu abɔ e yɔ i bi uwa ŋma agbá éyi gā agba ɔhá a?

• Ɔdi ta uwa abɔ kéē lɔtu a?