ƐGƐ NƐ ĀCƐ O YƐCE UKRAIST GĒ LĀ OYEEYI
“Ɔ́dāŋ Ka Ɔ̄cɛ He Uwɔ Ɔtū Á Gáā Yɔ̄ Í Gwéeyē Eko [Nōó] Lɛ Ɔdōōbɔbí Yá Ŋ́”
Ācɛ Ō Yɛce Ukraist ɔkwɔɔkwɛyi gē ceyitikwu miya ɔdā duuma néē dɔka ō ya oŋma lɛ ihɔtu. Ihɔtu i gē cɛ lɛ ɔcɛ “gwéeyē eko [nōó] lɛ ɔdōōbɔbí yá ŋ́.” (1 Ukɔ́r. 13:4, 6) Ohigbu ɔɔma, alɔ i gē lɛ abɔ ipu aɔdā ō bi le jɔɔnyɛ iyi ɔ̄cɛ nōo gē je owoofu lɛ aodee bɛɛka uce ku aja ō gbo, unu ō nu amāŋ ɔcɛ ō ŋmo ŋ. Alɔ i klla gē gweeye ohigbu ɔdobɔbi nōo gē ya ācɛ ɔhá a ŋ, ó kóō we ācɛ nōo ya alɔ odee naana.—Aíit. 17:5.
LƐ UVIDIO NYĀ MAFU NŌO KAHINII: BLAKWU ƆDĀ NƐ IHƆTU GĒ YA A—Ó GÁĀ CƐ GĀ UWƆ GWEEYE EKO NƐ ƆCƐ LƐ ƆDOBƆBI YA Ŋ, CƐƐ AA LƐ ƆKA NŌO BA NYĀ CILA:
-
Eko nɛ Udefidi le jé ka Usɔlu mla Ujonatan gekwu a, ɛgɛnyá nɛ ó ya lɛ a?
-
Ɛdɔ ijé ku ɔtu nobi nyá nɛ Udefidi kpo kwu ɔhá ohigbu Usɔlu mla Ujonatan a?
-
Ɔdiya nɛ Udefidi i gweeye ohigbu ikwū ku Usɔlu ŋ ma?
