Ohigbu ihɔtu ɔkwɛyi nɛ alɔ lɛ a, alɔ leyice ku ayinɛ alɔ géē ya ōmiya olɔhi. (1 Ukɔ́r. 13:4, 7) Ocabɔ, ɔdaŋ ku ɔyinɛ lɛ íne biya, néē kē lɛ itala yɛ ɔ, alɔ leyice kóō géē miyɛ otabɔ néē yɔ i ceyitikwu je lɛ ɔ o ya ɛɛ kéē lɛ ɔ na ta ɔwɛ a. Alɔ gē gbeyicii mla ācɛ nōó lɔfu iyē ipu ɔtu okpoce ŋ ma klla gē ceyitikwu ta uwa abɔ. (Uróm 15:1) Ɔdaŋ ka ɔcɛ nyɛɛ ŋma ipu ujɔ, alɔ gē leyice ka ɛ̄cī éyi, ó géē cigbihi wa kpɔ.—Ulúk. 15:17, 18.

LƐ UVIDIO NYĀ MAFU NŌO KAHINII: BLAKWU ƆDĀ NƐ IHƆTU GĒ YA A—Ó GĒ CƐ LƐ ƆCƐ KÓŌ LEYICE ODEE, CƐƐ AA LƐ ƆKA NŌO BA NYĀ CILA:

• Ɛgɛnyá nɛ Abna je piyabɔ lɛyikwu ō hayi kpaakpa ku nu a?

• Ɛgɛnyá nɛ Udefidi mla Ujowabu ya lɛ, lɛyikwu ɔdā nɛ Abna dɔka ŋma ɛgiyi Udefidi a?

• Ɔdiya nɛ alɔ cika ō leyice ɔdā nōo olɔhi fiyɛ duu lɛ ayinɛ alɔ a?