Abɔ oŋmɛyi ku ɛcɛ nyā yɔ i tubla ajaajɛ a, alɔ yɔ i leyice ka unwalu nōo géē ya ɔwɛ ɛga nɛ alɔ lā a, ufi ō ce tu ācɛ iyē mla ɛfu ō kpo géē yɔ i nwune tōōtɔ̄ɔ̄. (Mafú. 6:4) Ɛgɛnyá nɛ alɔ lɔfu tutu ku aunwalu nōo lɔfu ya ɛcɔbu a?

• Le tutu ku a hayi kpaakpa: Jé aukɔ́ mla aɔ̄kā ku Ubáyíbu nōo géē lɔfu tu ɔtooce ku uwɔ iyē lɛ Ujehofa mla ɔwa ku nu, nōo klla géē ta uwɔ abɔ ku a hayi kpaakpa lɛ ɔ a. (Aíit. 12:5; jr 125-126 ¶23-24) Babanya wɛ eko nɛ a cika ō lɛ aoklobiya mla ancɛnya olɔfu ipu ujɔ a.—1 Upít. 4:7, 8

• Le tutu ku aɔdā nɛ a cɛgbá nōo géē cɛ gā uwɔ lɔfu iyē klla yeeyi a: Lɛ ōmiya ya ku ɛgɛ nɛ a géē lɛ ogbotu ɔdaŋ ku á ŋma ɔlɛ uwɔ gla ŋ, ku a klla lɛ aɔdā nɛ a géē cɛgbá a lɛ ajɛ nwune. Ku a klla lɛ ōmiya ya, ku ɔdā nɛ a géē ya ɔdaŋ ku a cɛgbá ō nyɛɛ ŋma ɔlɛ uwɔ. Lɛ ɛkpa nɛ a kpo aɔdā ō cɛgbá tu ɔ ohigbu ɔdā acigili a jila, ku a klla lɛ aɔdā nɛ a géē le gbo iyi uwɔ bɛɛka ije, ɔdā ō le wu abɔ (hand gloves), ɔdā ō le kla okonu mla ɛnwu (mask) kpo tu ipu nu. Jé ɛgɛ nɛ a géē yɛ fu anyakwɔcɛ ku ujɔ ku uwɔ, ku a klla le jé peee ku uwa abɔyi uwa lɔfu yɛ fu uwɔ gla duu.—Ayis. 32:2; g17.5 3-7

Eko nɛ unwalu yɔ i ya ɔwɛ ɛga nɛ a lā gɔbu yɔ i ya aɔdā nɛ a gē ya ku a gba Ujehofa ɛ̄gbā ojigogo, aodee bɛɛka ɔkɔ ō gba, oklɔcɛ ō ya mla ō nyɔ gā ōjila ku ujɔ. (Ufíl. 1:10) A hii ŋma ɛga éyi gā ɛga ɔhá anca ŋ, ayika a yɔ i calɛ ŋma ɛga nɛ a lā a. (Umát. 10:16) Kɔ ɔdole mla aɔdā nɛ a lɛ a mla ācɛ ɔhá.—Uróm 12:13.

LƐ UVIDIO NYĀ MAFU NŌO KAHINII: A LE TUTU KU AMIYA ƐƐ? CƐƐ AA LƐ ƆKA NŌO BA NYĀ CILA:

• Ɛgɛnyá nɛ Ujehofa gáā ta alɔ abɔ eko nɛ amiya le ya a?

• Ɔdi nɛ alɔ lɔfu ya o ya ɛɛ ku alɔ lɛ otutu ya a?

• Ɛgɛnyá nɛ alɔ lɔfu je otabɔ lɛ ācɛ nɛ amiya ya da uwa a?