Abɔ alɔ i jila iyē ŋ ma a, alɔ géē yɔ i ceyitikwu eko doodu ku alɔ kwu unwu ku alɔ bi. Ɔdaŋ ku alɔ ya ɔdā duuma nōo he alɔ ɔtu, alɔ i gáā lɔfu teyi olɔhi ku Ujehofa gɛ ŋ. Ocabɔ, ācɛ ōhī yihɔtu ɔdole, ili mla ɔlɛ uwa fiyɛ ɛgɛ néē yihɔtu Ɔwɔico a. Ācɛ ɔhá kē i yuklɔ mla unwu ku ikpo ɔnyā ɔhá ō ce mla aja ō gbo, néē kóō gē lɛ ɛlá wu íne ku Ɔwɔico ŋ. (Uróm 1:26, 27) Ācɛ ōhī klla gē cɛ ku ācɛ ɔhá kéē kwu uwa nyɔ i ya ɔdobɔbi, ohigbu kéē dɔka ku ācɛ a kéē miyɛ amāŋ dɔka uwa.—Oyɛb. 23:2.

Ɛgɛnyá nɛ alɔ géē kwu unwu ku alɔ bi a? Alɔ cika ō lɛ ɔtu ku alɔ kwu ō yɔ i ya ɔdā nōo he Ujehofa ɔtu. (Umát. 4:4) Ɔdā ɔhá kpɔ, alɔ gbɔɔkɔ lɛ Ujehofa kóō ta alɔ abɔ kwu unwu ku alɔ bi. Ɔdiya a? Ohigbu kóō jé ɔdā nōo lɔhi lɛ alɔ fiyɛ duu klla gē ya ɛgbá ku oduudu alɔ lɛ alɔ.—Aíjē 145:16.

LƐ UVIDIO NYĀ MAFU NŌO KAHINII: A HIII YA KU OYEEYI KU UWƆ KÓŌ KWU PIYA OYEEYI KU ƆCƐ Ō GWA ITABA Ŋ, CƐƐ AA LƐ ƆKA NŌO BA NYĀ CILA:

• Ɔdiya nɛ ācɛ ōhī gē gwa itaba a?

• Ɔdi nɛ itaba ō gwa lɔfu ya uwɔ a?

• Ɔdiya nɛ itaba ɔlamu mla itaba ku ɛlɛtrik (vaping) bɔbi a?—2 Ukɔ́r. 7:1

• Ɛgɛnyá nɛ a géē ta ō gwa itaba amāŋ lɛ abɔ ci ō gwa duudu a?