N’ụtụtụ Mọnde, abalị isii n’ọnwa Febụwarị afọ 2023, nnukwu ala ọma jijiji mere n’ebe ndịda Tọki. Mgbe, e mechara, nnukwu ala ọma jijiji ọzọ mekwara ná mpaghara ahụ. Kemgbe ahụ, ala ọma jijiji ndị ọzọ na-erughị ka ndị mbụ a emeekwala ugboro ugboro. Ala ọma jijiji a egbuola ihe karịrị puku mmadụ iri atọ na asatọ (38,000), merụọkwa ihe karịrị otu narị puku mmadụ na puku asatọ (108,000) ahụ́.

• O wutere anyị na o gburu otu nwanna anyị nwaanyị merela agadi bi n’Adana, gbuokwa otu nwanna anyị nwoke, nwunye ya, ụmụaka ha abụọ, nakwa onye ikwu ha n’obodo a na-akpọ Adiyaman

• Ụlọ atọ dakasịrị kpamkpam

• E nwere ụlọ iri na asaa nnukwu ihe mebiri na ha

• E nwere ụlọ iri abụọ na abụọ obere ihe mebiri na ha

• E nwere otu Ụlọ Nzukọ Alaeze nnukwu ihe mebiri na ya

• E nwere Ụlọ Nzukọ Alaeze abụọ obere ihe mebiri na ha

• Ụfọdụ ụmụnna na-agba mbọ na-akasi ndị ọdachi a dakwasịrị obi, jirikwa Okwu Chineke na-agba ha ume

• Anyị họpụtara Kọmitii abụọ Na-ahụ Maka Ịgbatara Ndị Ọdachi Dakwasịrị Ọsọ Enyemaka ka ha hụ na e nyeere ndị a ọdachi dakwasịrị aka

N’agbanyeghị otú ala ọma jijiji a si dị egwu, ihe na-akasi ụmụnna anyị obi bụ na ha ma na Jehova bụ “ebe mgbaba anyị na ike anyị. Ọ dị njikere inyere anyị aka n’oge nsogbu.”​—Abụ Ọma 46:1.