A KPỌRỌ ya “ebe mazuru mma” na “obodo Eze ukwu.” (Ọma 48:2; 50:2; Ákw 2:15) Jeruselem bụ isi obodo nke mba Chineke. (Ọma 76:2) Mgbe Devid narasịịrị ndị Jibọs obodo ahụ ma mee ya isi obodo ya, a kpọrọ ya “obodo Devid,” ma ọ bụ nanị “Zayọn.”—2Sa 5:7.

Ọ bụ eziokwu na ọ dịghị n’ebe dị oké mkpa, Jeruselem dere ude n’ihi na Chineke kpọkwasịrị aha ya n’ebe ahụ. (De 26:2) Ọ bụ ebe bụ́ isi nke okpukpe na ịchịisi nke mba ahụ.

Jeruselem dị n’ebe ọ̀tụ̀tụ̀ ịdị elu ya dị mita 750 n’elu ugwu ndị dị n’etiti Judia. Bible na-ezo aka “n’ịdị elu” ya nakwa ná ndị na-efe ofufe dị ka ndị ‘na-arịgo’ iji ruo ebe ọ dị. (Ọma 48:2; 122:3, 4) Ndagwurugwu gbara obodo ochie ahụ okirikiri: Ndagwurugwu Hinọm dị n’ebe ọdịda anyanwụ na n’ebe ndịda, ndagwurugwu mmiri iyi Kidrọn dịkwa n’ebe ọwụwa anyanwụ. (2Ez 23:10; Jer 31:40) Mmiri iyi Gaịhọn a nke dị na Ndagwurugwu Kidrọn na En-rogel nke dị n’ebe ndịda mere ka e nwee ezi mmiri ọṅụṅụ, bụ́ nke dị oké mkpa karịsịa n’oge mwakpo ndị iro.—2Sa 17:17.

N’ihe  osise dị na peeji nke 21, e sere Obodo Devid n’àgwà na-acha uhie uhie. N’oge ọchịchị Devid na Solomọn, obodo ahụ gbasapụrụ gaa n’ebe ugwu ịgụnye Ofel (n’àgwà na-acha ka akwụkwọ ndụ) na Ugwu Moraịa (n’àgwà na-acha anụnụ anụnụ). (2Sa 5:7-9; 24:16-25) Solomọn wuuru Jehova ụlọ nsọ dị ebube n’ebe ahụ ka dị elu. Jiri nnọọ anya nke uche lee ìgwè ndị na-efe ofufe ka ha na-agbago “ugwu nke Jehova” maka ememe ndị ahụ a na-eme kwa afọ! (Zek 8:3) Usoro ụzọ nke e gosipụtara na peeji nke 17 mere ka njem dị otú ahụ kwe omume.

Ụlọ nsọ Solomọn, nke e ji ọla edo na nkume ndị dị oké ọnụ ahịa chọọ mma, bụ otu n’ime ụlọ ndị kasị oké ọnụ e wutụworo. Ihe dị ịrịba ama bụ na ọ bụ Jehova nyere atụmatụ e ji wuo ya. Dị ka ị na-ahụ n’ihe osise ahụ, ogige ndị buru ibu na ụlọ ndị e si na ha enye ntụziaka dị n’akụkụ ụlọ nsọ ahụ. O kwesịrị ekwesị ka ị mụọ akụkụ ya nile nke ọma.—Ez 6:1–7:51; 1Ih 28:11-19; Hib 9:23, 24.

[Ihe e dere n’ala ala peeji]

 [Ihe osise/Foto dị na peeji nke 21]

(Ị chọọ ịhụ ebe e sere map a, gaa n’akwụkwọ a nke e biri ebi)

Jeruselem na Ụlọ Nsọ Solomọn

GBURUGBURU EBE ỤLỌ NSỌ DỊ N’OGE SOLOMỌN

Ihe Ndị Dị n’Ụlọ Nsọ

1. Ebe Kasị Nsọ

2. Ebe Nsọ

3. Ihe Owuwu Ụzọ Mbata

4. Boaz

5. Jekin

6. Ebe Ịchụàjà E Ji Ọla Kọpa Mee

7. Oké Osimiri A Wụrụ Awụ

8. Ihe Ndị E Ji Ebu Ihe

9. Ụlọ Ndị Dị n’Akụkụ

10. Ụlọ Iri Nri

11. Ogige Dị n’Ime

GBURUGBURU EBE ỤLỌ NSỌ DỊ

Ugwu Moraịa

Ụlọ Iri Nri

Ihe Ndị E Ji Ebu Ihe

Ụlọ Ndị Dị n’Akụkụ

Ebe Kasị Nsọ

Boaz

Ebe Nsọ

Ihe Owuwu Ụzọ Mbata

Ebe Ịchụàjà E Ji Ọla Kọpa Mee

Jekin

Ogige Dị n’Ime

Ihe Ndị E Ji Ebu Ihe

Oké Osimiri A Wụrụ Awụ

Ofel

Ámá?

Ọnụ Ụzọ Ámá Mmiri?

OBODO DEVID

Ugwu Zayọn

Obí Devid

Ọnụ Ụzọ Ámá Isi Iyi

Mgbidi Manase?

Ụlọ Elu Hananel

Ụlọ Elu Mia

Ọnụ Ụzọ Ámá Atụrụ

Ọnụ Ụzọ Ámá Ndị Nche

Ọnụ Ụzọ Ámá Nnyocha

Ọnụ Ụzọ Ámá Ịnyịnya

NDAGWURUGWU KIDRỌN

Mgbidi Ebe Mpụga?

Gaịhọn

Ọwara mmiri nke e mesịrị nwee

NDAGWURUGWU TAỊROPIỌN

Ọnụ Ụzọ Ámá Ikpo Ntụ (Iberibe Eju) (Nsị Anụ)

En-rogel

Ọnụ Ụzọ Ámá Ndagwurugwu

NDAGWURUGWU HINỌM

Ọnụ Ụzọ Ámá Nkuku

Ụlọ Elu nke Ekwu Ighe Ihe

Mgbidi Dị Obosara

Ọnụ Ụzọ Ámá Ifrem

Ámá

Ọnụ Ụzọ Ámá nke Obodo Ochie

Mgbidi Mbụ nke Ebe Ugwu

ÓGBÈ NKE ABỤỌ

Ọnụ Ụzọ Ámá Azụ

[Foto]

Ofel

Ụlọ nke Ada Fero

Obí Eze Solomọn

Ụlọ nke Ọhịa Lebanọn

Ihe Owuwu Ụzọ Mbata Ogidi

Ihe Owuwu Ụzo Mbata Ocheeze

Ugwu Moraịa

Ogige Ukwu

Ụlọ Nsọ

[Foto dị na peeji nke 20]

N’ihu ihu bụ ebe “Obodo Devid” dị. Ụlọ nsọ ahụ dị n’ebe ahụ dị larịị (n’azụ)

[Foto dị na peeji nke 20]

“Obodo Devid” nke oge ochie na ụlọ nsọ Solomọn nke e ji kọmputa sepụta