Ihe Baịbụl kwuru banyere ihe a:

• 2 Ihe 32:2-8​—Mgbe ndị iro gara ka ha lụso ndị Juda agha, Eze Hezekaya gbara ndị Juda ume

• Dan. 10:2, 8-11, 18, 19​—Mgbe Daniel onye amụma merela agadi, ike agwụkwa ya, otu mmụọ ozi gbara ya ume, ya enwetaghachi ume

Ihe Baịbụl kwuru banyere ihe a:

• Diut. 3:28; 31:7, 8​—Mosis onye amụma mere ihe Jehova gwara ya. Ọ gbara Joshụa bụ́ onye ga-anọchi ya ume, meekwa ka ọ dị ike

• Ọrụ 11:22-26; 14:22​—N’oge a na-akpagbu Ndị Kraịst nọ n’Antiọk, Pọl na Banabas gara gbaa ha ume

Ihe Baịbụl kwuru banyere ihe a:

• Ikpe 11:37-40​—N’afọ ọ bụla, ụmụ nwaanyị ndị Izrel na-aga aja nwa Jefta mma n’ihi na o wepụtara onwe ya na-ejere Jehova ozi

• Mkpu. 2:1-4​—N’agbanyeghị na Jizọs gwara ndị na-eso ụzọ ya nọ n’Efesọs ihe ha ga-emezi ná ndụ ha, ọ gwakwara ha ebe ha na-eme nke ọma

Ihe Baịbụl kwuru banyere ihe a:

• 1 Sam. 23:16-18​—N’agbanyeghị na Jonatan tọrọ Devid enyi ya, ọ chọọrọ ya gaa ka ọ gbaa ya ume n’oge ọ nọ ná nsogbu

• Jọn 16:33​—Jizọs gbara ndị na-eso ụzọ ya ume mgbe ọ gwara ha na ya emeriela ụwa nakwa na ha ga-emerili ụwa ma ha na-eme ka ya

• Ọrụ 28:14-16​—Mgbe a kpụ Pọl onyeozi na-aga Rom ka e kpee ya ikpe, obi bịara sie ya ike mgbe ọ hụrụ ụmụnna bịara ịgba ya ume

Ihe Baịbụl kwuru banyere ihe a:

• Ọnụ Ọgụ. 11:10-15​—Obi adịghị Mosis onye amụma mma maka na ndị Izrel na-eme mkpesa, bụrụkwa ndị nnupụisi

• Ọnụ Ọgụ. 13:31, 32; 14:2-6​—Akụkọ ọjọọ mmadụ iri n’ime ndị ahụ gara hụ ala nkwa ahụ nọ na-akọ kụdara ndị Izrel ndị ọzọ mmụọ, ha amalitezie inupụrụ Jehova isi

Ihe Baịbụl kwuru banyere ihe a:

• 2 Ihe 20:1-19​—Mgbe ọtụtụ ndị agha bịara ịlụso Juda agha, Eze Jehoshafat kpọkọrọ ndị Juda, ha ekpe ekpere

• Ọrụ 12:1-5, 12-17​—Mgbe e gbuchara Jems onyeozi, a tụọkwa Pita onyeozi mkpọrọ, ndị nọ n’ọgbakọ dị na Jeruselem zukọrọ na-ekpe ekpere

 Ihe Baịbụl kwuru banyere ihe a:

• Jen. 39:19-23; 40:1-8​—N’agbanyeghị na e boro Josef ihe ọ na-emeghị, tụọkwa ya mkpọrọ maka ya, ọ nọgidere na-atụkwasị Chineke obi ma na-enyere ndị ọzọ aka

• 2 Eze 6:15-17​—Ụjọ atụghị Ịlaịsha onye amụma mgbe ìgwè ndị agha bịara ịlụso ya agha. O kpekwara ekpere ka onye na-ejere ya ozi gharakwa ịtụ ụjọ

Ihe Baịbụl kwuru banyere ihe a:

• 1 Sam. 1:10, 11, 17, 18​—Mgbe obi jọrọ Hana ezigbo njọ, o kpere ekpere. Jehova nụrụ ekpere ahụ ma mee ka obi ruo ya ala

• 1 Eze 19:1-19​—Mgbe Ịlaịja onye amụma dara mbà, Jehova nyere ya mmiri na nri. O ji nkwa o kwere ya na ihe ga-adị mma n’ọdịnihu gbaa ya ume ma kasie ya obi

Ihe Baịbụl kwuru banyere ihe a:

• Job 14:1, 2, 7-9, 13-15​—N’oge Job dara mbà, olileanya o nwere na Chineke ga-akpọlite ya n’ọnwụ ma ọ bụrụgodị na ya emechaa nwụọ, kasiri ya obi

• Dan. 12:13​—Mgbe Daniel onye amụma dị ihe dị ka otu narị (100) afọ, otu mmụọ ozi gbara ya ume mgbe ọ gwara ya ihe a ga-emere ya n’ọdịnihu

Ihe Baịbụl kwuru banyere ihe a:

• 1 Sam. 30:1-9​—Mgbe Devid nọ ná nsogbu, ọ kpọkuru Jehova n’ekpere ma nwetaghachi ume

• Luk 22:39-43​—Mgbe ọnwụnwa tara ezigbo akpụ bịaara Jizọs, o kpesiri ekpere ike. Jehova zara ekpere ahụ. Otú o si zaa ya bụ na o zitere otu mmụọ ozi, ya agbaa ya ume

Ihe Baịbụl kwuru banyere ihe a:

• Ọrụ 15:2-4​—Mgbe Pọl onyeozi na Banabas onyeozi na-aga eleta ọgbakọ dị iche iche, ha na-agba ha nnọọ ume

• 3 Jọn 1-4​—Mgbe Jọn onyeozi merela agadi, ọ nụrụ na ndị o ziri ozi ọma na-eme nke ọma. Ihe a ọ nụrụ gbara ya ume