Ihe Baịbụl kwuru banyere ihe a:

• Lev. 22:17-22​—Jehova chọrọ ka e jiri anụmanụ “ahụ́ dị mma,” nke na-enweghịkwa nkwarụ, chụọrọ ya àjà. Okwu Hibru e si sụgharịta “nke ahụ́ dị mma” na nke e si sụgharịta “irubere Chineke isi” bụ nwanne. Okwu a na-egosi na onye na-erubere Jehova isi ga-edebe iwu ya n’ihe niile

• Job 1:1, 4, 5, 8; 2:3​—Otú Job si bie ndụ na-egosi na onye chọrọ ịna-erubere Jehova isi kwesịrị ịna-akwanyere ya nnọọ ùgwù, jiri obi ya niile na-efe ya, ma na-ezere ime ihe ọ bụla ọ kpọrọ asị

Ihe Baịbụl kwuru banyere ihe a:

• Job 31:1-11, 16-33​—Job si otú o si na-ebi ndụ kwa ụbọchị gosi na ya na-erubere Jehova isi. Otú o si mee ya bụ na ọ naghị eme omume rụrụ arụ. O nwekwaara ndị ọzọ obiọma ma kwanyere ha ùgwù. O fere naanị Jehova, o feghịkwa arụsị ọ bụla. O ji adịm ná mma ya na Jehova kpọrọ ihe kama iji akụnụba kpọrọ ihe

• Dan. 1:6-21​—N’agbanyeghị na ndị na-anaghị efe Jehova gbara Daniel na mmadụ atọ bụ́ ndị enyi ya gburugburu, ha rubere isi ma n’iwu Jehova nyere ndị Izrel banyere ihe ndị ha kwesịrị ịna-eri ma n’iwu ndị ọzọ